ಯಾದಗಿರಿಯಲ್ಲಿ ಸಾಧಾರಣ ಮಳೆ

ಯಾದಗಿರಿ: ಜಿಲ್ಲೆಯಲ್ಲಿ ಶುಕ್ರವಾರ ರಾತ್ರಿಯೂ ಸಾಧಾರಣ ಮಳೆಯಾಗಿದ್ದು ರೈತರಲ್ಲಿ ಸಂತಸ ಮೂಡಿಸಿದೆ.

ಶಹಾಪುರ ವ್ಯಾಪ್ತಿಯಲ್ಲಿ ಅತೀ ಹೆಚ್ಚು 34 ಮಿ.ಮೀ. ಹುಣಸಗಿ 16 ಮಿ.ಮೀ. ಮತ್ತು ವಡಗೇರಾ 11 ಮಿ.ಮೀ. ಮಳೆಯಾಗಿದ್ದರೆ ಗುರುಮಠಕಲ್‌ 28ಮಿ.ಮೀ. ಹಾಗೂ ಯಾದಗಿರಿ 10ಮಿ. ಮೀ ಮಳೆ ಸುರಿದಿದೆ. ಸುರಪುರ ವ್ಯಾಪ್ತಿಯಲ್ಲಿ ಅತಿ ಕಡಿಮೆ 1ಮಿ. ಮೀ ಮಳೆಯಾಗಿರುವ ಕುರಿತು ವರದಿಯಾಗಿದೆ. ಗುರುವಾರವೂ ಜಿಲ್ಲೆಯ ಗುರುಮಠಕಲ್‌, ಯಾದಗಿರಿ ತಾಲೂಕಿನಲ್ಲಿ ಕೇವಲ 1 ಮಿ.ಮೀ ಮಳೆಯಾಗಿ ಉಳಿದ ತಾಲೂಕುಗಳಲ್ಲಿ ಉತ್ತಮ ಮಳೆಯಾಗಿತ್ತು.