ಟೆನ್ನಿಸ್ ರ್‍ಯಾಂಕಿಂಗ್‌: ಐಗಾ ಸ್ವಿಯಾಟೆಕ್‌ ನಂ.1 ಆಟಗಾರ್ತಿ

ಮಯಾಮಿ: ಐಗಾ ಸ್ವಿಯಾಟೆಕ್‌ ಮೊದಲ ಬಾರಿಗೆ ನಂ.1 ಟೆನಿಸ್‌ ಆಟಗಾರ್ತಿಯ ಪಟ್ಟವನ್ನು ಅಲಂಕರಿಸಿದ್ದಾರೆ.

ಇದುವರೆಗೆ ಅಗ್ರಸ್ಥಾನದಲ್ಲಿದ್ದ ಆ್ಯಶ್ಲಿ ಬಾರ್ಟಿ ದಿಢೀರ್‌ ವಿದಾಯ ಘೋಷಿಸಿದ್ದರಿಂದ ವನಿತಾ ರ್‍ಯಾಂಕಿಂಗ್‌ನಲ್ಲಿ ಈ ಬದಲಾವಣೆ ಸಂಭವಿಸಿದೆ.

ಸ್ವಿಯಾಟೆಕ್‌ ನಂ.1 ಸ್ಥಾನಕ್ಕೇರಿದ ಪೋಲೆಂಡ್‌ನ‌ ಮೊದಲ ಆಟಗಾರ್ತಿ ಎಂಬ ಹೆಗ್ಗಳಿಕೆಗೂ ಪಾತ್ರರಾಗಿದ್ದಾರೆ.

1975ರಲ್ಲಿ ಕಂಪ್ಯೂಟರೈಸ್ಡ್ ಪದ್ಧತಿ ಅಳವಡಿ ಸಲಾದ ಬಳಿಕ ನಂ.1 ಸ್ಥಾನ ಅಲಂಕರಿಸಿದ 28ನೇ ಆಟಗಾರ್ತಿಯಾಗಿದ್ದಾರೆ.

2016ರ ಕೊನೆಯಲ್ಲಿ 903ನೇ ಸ್ಥಾನದಲ್ಲಿದ್ದ ಸ್ವಿಯಾಟೆಕ್‌, 2018ರಲ್ಲಿ ಮೊದಲ ಸಲ ಟಾಪ್‌-500ರ ಯಾದಿಯಲ್ಲಿ ಕಾಣಿಸಿಕೊಂಡರು. 2020ರ ಅಂತ್ಯಕ್ಕೆ 17ನೇ, 2021ರ ಅಂತ್ಯಕ್ಕೆ 9ನೇ ಸ್ಥಾನಕ್ಕೆ ನೆಗೆದಿದ್ದರು.