ನೆಹರೂ ಮದ್ರಸಾದಲ್ಲಿ “ಪೂಜೆ’ಶುರು

ಅಲಿಗಢ: ಮಾಜಿ ಉಪ ರಾಷ್ಟ್ರಪತಿ ಹಮೀದ್‌ ಅನ್ಸಾರಿಯವರ ಪತ್ನಿ ಸಲ್ಮಾ ಅನ್ಸಾರಿ ನಡೆಸುತ್ತಿರುವ “ಚಾಚಾ ನೆಹರೂ ಮದ್ರಸಾ’ ದೊಳಗೆ ಹಿಂದೂ ದೇವರ ವಿಗ್ರಹಗಳಿಗೂ ಪೂಜೆ ಸಲ್ಲಿಸುವ ಪರಿಪಾಠ ಆರಂಭ ವಾಗಿದೆ ಎಂದು ಮೂಲಗಳು ತಿಳಿಸಿವೆ.

ಇದಕ್ಕೆ ಪೂರಕವಾಗಿ ವಿಡಿಯೋ ತುಣುಕೊಂದು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ ಎನ್ನಲಾಗಿದೆ. ಅದರಲ್ಲಿ ಮದ್ರಸಾದ ಕೋಣೆಯೊಂದರ ಮೂಲೆಯಲ್ಲಿ ಶಿವ, ಆಂಜನೇಯ ಹಾಗೂ ಸರಸ್ವತಿಯ ವಿಗ್ರಹಗಳನ್ನು ಇಡಲಾಗಿದ್ದು, ಹಿಂದೂ ಸಂಪ್ರದಾಯದಂತೆಯೇ ಪೂಜೆ ನಡೆಸಲಾಗುತ್ತಿದೆ ಎಂದು ಹೇಳಲಾಗಿದೆ.

ಮದ್ರಸಾದ ವಿದ್ಯಾರ್ಥಿ ನಿಲಯ ದಲ್ಲಿರುವ ವಿದ್ಯಾರ್ಥಿ ಗಳ ರಕ್ಷಣೆಯ ಉದ್ದೇಶದಿಂದ ಮದ್ರಸಾದ ಆವರಣದಲ್ಲೇ ಹಿಂದೂ ದೇಗುಲವನ್ನು ನಿರ್ಮಿಸುವ ಬಗ್ಗೆ ಸಲ್ಮಾ ಇತ್ತೀಚೆಗೆ ಹೇಳಿದ್ದರು. ಇದಕ್ಕೆ ಇಸ್ಲಾಂ ಧರ್ಮದ ಬುದ್ಧಿಜೀವಿಗಳು, ರಾಜಕೀಯ ನಾಯಕರಿಂದ ಅಪಸ್ವರ ವ್ಯಕ್ತವಾಗಿತ್ತು.