TV Remoteಗಿಂತಲೂ ಚಿಕ್ಕದಾದ ಈ ಶ್ವಾನ Guinness ದಾಖಲೆಯನ್ನೇ ಮಾಡಿದೆ !

ಸಾಮಾನ್ಯವಾಗಿ ಟಿವಿ ರಿಮೋಟ್‌ ಒಂದರ ಉದ್ದವೆಷ್ಟು? ಹೆಚ್ಚೆಂದರೂ 5 ಇಂಚು. ಆದರೆ, ಶ್ವಾನವೊಂದು ರಿಮೋಟ್‌ಗಿಂತಲೂ ಕಡಿಮೆ ಎತ್ತರವಿರುವುದುನ್ನು ಕಂಡಿದ್ದೀರೇ? ಹೌದು, ಪರ್ಲ್ ಎನ್ನುವ ಶ್ವಾನ ರಿಮೋಟ್‌ಗಿಂತ ಚಿಕ್ಕದು. ಅಂದರೆ 3.59 ಇಂಚಿನಷ್ಟು ಮಾತ್ರ ಎತ್ತರವಿದ್ದು, ಈ ಮೂಲಕ ಜಗತ್ತಿನ ಅತ್ಯಂತ ಕುಳ್ಳ ಶ್ವಾನವೆಂದು ಗಿನ್ನೆಸ್‌ ದಾಖಲೆಯನ್ನೂ ಬರೆದಿದೆ.

ಚಿಹೋವಾ ತಳಿಯ ಈ ಶ್ವಾನವು 2020ರ ಸೆ.1ರಂದು ಜನಿಸಿದ್ದು, 3.59 ಇಂಚು ಎತ್ತರ, 553 ಗ್ರಾಂ ತೂಕವಿದೆ. ವೆನೆಸಾ ಸೆಮ್ಲೆರ್‌ ಎಂಬವರು ಈ ಶ್ವಾನದ ಮಾಲೀಕರಾಗಿದ್ದು, ಈ ಹಿಂದೆ ಇವರದ್ದೇ ಆದ ಇದೇ ಚಿಹೋವಾ ತಳಿಯ ಮಿಲ್ಲಿ ಎನ್ನುವ ಶ್ವಾನ ಗಿನ್ನೆಸ್‌ ದಾಖಲೆ ಸೃಷ್ಟಿಸಿತ್ತು.