ವಿಶ್ವದ ಹಿರಿಯಜ್ಜ ನಿಧನ

ಟೋಕಿಯೊ: ವಿಶ್ವದ ಅತ್ಯಂತ ಹಿರಿಯ ವ್ಯಕ್ತಿಯೆಂದೇ ಖ್ಯಾತಿ ಪಡೆದಿದ್ದ ಜಪಾನ್‌ನ ಮಸಾಝೊ ನೊನಾಕಾ (113) ನಿಧನ ಹೊಂದಿದ್ದಾರೆ. ಜಪಾನ್‌ನ ಉತ್ತರ ಭಾಗದ ಹೊಕ್ಕಾಯೊx ದ್ವೀಪದಲ್ಲಿ ರುವ ಅಶೋರೊ ಎಂಬ ನಗರದ ತಮ್ಮ ನಿವಾಸದಲ್ಲಿ ರವಿವಾರ ಬೆಳಗಿನ ಜಾವ ಮಲಗಿದ್ದಾಗಲೇ ಇಹಲೋಕ ತ್ಯಜಿಸಿದ್ದಾರೆ ಎಂದು ಅವರ ಕುಟುಂಬ ತಿಳಿಸಿದೆ. ಕಳೆದ ವರ್ಷ ಎಪ್ರಿಲ್‌ನಲ್ಲಿ ಅವರಿಗೆ 112 ವರ್ಷ 259 ದಿನವಾಗಿದ್ದಾಗ ಗಿನ್ನೆಸ್‌ ಸಂಸ್ಥೆಯು ವಿಶ್ವದ ಅತಿ ಹಿರಿಯ ವ್ಯಕ್ತಿ ಎಂಬ ಪ್ರಮಾಣ ಪತ್ರ ನೀಡಿತ್ತು. 1905ರಲ್ಲಿ ಜನಿಸಿದ್ದ ನೊನಾಕಾ, ಕೌಟುಂಬಿಕ ವ್ಯವಹಾರ ಮುನ್ನಡೆಸಿದ್ದರು.