ಢಾಕಾ: ಬಾಂಗ್ಲಾದೇಶದ ಜನಕ ಶೇಖ್‌ ಮುಜಿಬುರ್‌ ರೆಹ ಮಾನ್‌ ಅವರ ಜನ್ಮಶತಮಾನೋತ್ಸ ವದ ಅಂಗವಾಗಿ ವಿಶ್ವ ಇಲೆವೆನ್‌ ಮತ್ತು ಏಶ್ಯ ಇಲೆವೆನ್‌ ನಡುವೆ 2 ಟಿ20 ಪಂದ್ಯಗಳನ್ನು ಆಯೋಜಿಸಲು ಬಾಂಗ್ಲಾದೇಶ ಕ್ರಿಕೆಟ್‌ ಮಂಡಳಿ ನಿರ್ಧರಿಸಿದೆ. ಮಂಡಳಿ ಅಧ್ಯಕ್ಷ ನಜ್ಮುಲ್‌ ಹಸನ್‌ ಗುರುವಾರ ಈ ವಿಷಯವನ್ನು ತಿಳಿಸಿದರು.
ಮುಂದಿನ ವರ್ಷ ಮುಜಿಬುರ್‌ ರೆಹಮಾನ್‌ ಅವರ ಜನ್ಮ ಶತಮಾ ನೋತ್ಸವವನ್ನು ಆಚರಿಸಲಾಗುವುದು. ಮಾರ್ಚ್‌ 18 ಮತ್ತು 21ರಂದು ಮಿರ್ಪುರ್‌ನ “ಶೇರ್‌ ಎ ಬಾಂಗ್ಲಾ ಸ್ಟೇಡಿಯಂ’ನಲ್ಲಿ ಈ ಪಂದ್ಯಗಳು ನಡೆಯಲಿವೆ.
“ಈ ಸಮಯದಲ್ಲಿ ಕೇವಲ 2 ತಂಡಗಳಷ್ಟೇ ಕ್ರಿಕೆಟ್‌ ಸರಣಿಯಲ್ಲಿ ನಿರತವಾಗಿರುತ್ತವೆ. ಆದರೆ ಈ ತಂಡಗಳ ನಡುವೆ ಟಿ20 ಪಂದ್ಯಗಳಿ ರುವುದಿಲ್ಲ. ಹೀಗಾಗಿ ಇಲ್ಲಿನ ಟಿ20 ಆಟಗಾರರು ಈ ಕೂಟಕ್ಕೆ ಲಭ್ಯರಿರು ತ್ತಾರೆಂಬ ವಿಶ್ವಾಸವಿದೆ’ ಎಂಬುದಾಗಿ ಹಸನ್‌ ಹೇಳಿದರು.
ಒಂದು ಪಂದ್ಯಕ್ಕೆ ಮಾನ್ಯತೆ
ಕಳೆದ ವಾರ ನಡೆದ ಐಸಿಸಿ ಸಭೆ ಯಲ್ಲಿ ಹಸನ್‌ ಈ ಪಂದ್ಯ ಗಳ ಪ್ರಸ್ತಾವ ಮಾಡಿದ್ದರು. ಇವುಗಳಲ್ಲಿ 1 ಪಂದ್ಯ ಕ್ಕಷ್ಟೇ ಅಂತಾರಾಷ್ಟ್ರೀಯ ಮಾನ್ಯತೆ ನೀಡಲಾಗುವುದು ಎಂದು ಐಸಿಸಿ ತಿಳಿಸಿದ್ದಾಗಿ ಹಸನ್‌ ಹೇಳಿದರು.
ಐಸಿಸಿ ನಿಯಮದಂತೆ ಇಂಥ ಪಂದ್ಯ ಗಳಿಗೆ ಅಂತಾರಾಷ್ಟ್ರೀಯ ಮಾನ್ಯತೆ ಲಭಿಸಬೇಕಾದರೆ ಒಂದು ಪೂರ್ಣ ಸದಸ್ಯತ್ವ ಹೊಂದಿರುವ ತಂಡವೊಂದು ಭಾಗವಹಿಸುವುದು ಕಡ್ಡಾಯ. ಆದರೆ ಈ ಸಂದರ್ಭದಲ್ಲಿ ಬಾಂಗ್ಲಾಕ್ಕೆ ವಿಶೇಷ ವಿನಾಯಿತಿ ನೀಡಲಾಗಿದೆ ಎಂದು ಹಸನ್‌ ಹೇಳಿದರು.
