Advertisement

ಆರ್ಥಿಕ ಅಪಾಯಕ್ಕಿಂತ ಹವಾಮಾನ ವೈಪರಿತ್ಯಕ್ಕೇ ಪ್ರಥಮ ಪ್ರಾಶಸ್ತ್ಯ: WEF ವರದಿ

09:09 AM Jan 16, 2020 | Hari Prasad |

ಲಂಡನ್‌: ಇಂದು ಜಗತ್ತು ಎದುರಿಸುತ್ತಿರುವ ಪ್ರಮುಖ ದೀರ್ಘ‌ಕಾಲೀನ ಅಪಾಯಗಳಲ್ಲಿ  ಹವಾಮಾನ ವೈಪರೀತ್ಯ ಅಗ್ರಸ್ಥಾನದಲ್ಲಿದ್ದು, 2020ರಲ್ಲಿ ಅಪಾಯದ ಮಟ್ಟ ಹೆಚ್ಚಾಗುವ ನಿರೀಕ್ಷೆ ಇದೆ. ಇದರ ಜತೆಗೆ ಆರ್ಥಿಕತೆ ಮತ್ತು ರಾಜಕೀಯ ಧ್ರುವೀಕರಣವೂ ಸೇರಲಿದೆ ಎಂದು ನೂತನ ಸಮೀಕ್ಷೆ ತಿಳಿಸಿದೆ.

Advertisement

ಹೆಚ್ಚಿದ ದೇಶಿಯ, ಅಂತಾರಾಷ್ಟ್ರೀಯ ಮತ್ತು ಆರ್ಥಿಕ ಮಂದಗತಿಯ ಮುನ್ಸೂಚನೆಗಳ ನಡುವೆ ಜಾಗತಿಕ ಆರ್ಥಿಕ ವೇದಿಕೆ (ಡಬ್ಲೂಇಎಫ್) ವಾರ್ಷಿಕ ಜಾಗತಿಕ ಅಪಾಯಗಳ ವರದಿಯನ್ನು ಬಿಡುಗಡೆ ಮಾಡಿದೆ.

ಭೌಗೋಳಿಕ, ರಾಜಕೀಯ ವಾಣಿಜ್ಯ ಸಮಸ್ಯೆಗಳು ಒಂದು ‘ಬಗೆಹರಿಯದ’ ಏಕಪಕ್ಷೀಯ ಮಹಾನ್‌ ಶಕ್ತಿಯಾಗಿದ್ದು, ಇದರ ಅಪಾಯಗಳ ತೀವ್ರತೆ ಹೆಚ್ಚುವ ಮುನ್ನ ಎಲ್ಲ ರಾಷ್ಟ್ರಗಳ ನಾಯಕರು ಈ ವಿಷಯಗಳ ಕುರಿತು ತುರ್ತಾಗಿ ಗಮನಹರಿಸಬೇಕು ಎಂದು ಎಚ್ಚರಿಸಿದೆ.

ಕಳೆದ 10 ವರ್ಷಗಳಲ್ಲಿ ಮೊದಲ ಬಾರಿಗೆ ಪರಿಸರದಲ್ಲಿನ ವಿಪರೀತ ಹವಾಮಾನದ ವೈಪರೀತ್ಯ ಸಮಸ್ಯೆಗಳು ಎದುರಾಗಿದ್ದು, ಮಾನವ ನಿರ್ಮಿತ ಪರಿಸರ ಆಪತ್ತುಗಳನ್ನು ಮತ್ತು ನೈಸರ್ಗಿಕ ವಿಪತ್ತುಗಳನ್ನು ಕಡಿತಗೊಳಿಸುವಲ್ಲಿ ವಿಫ‌ಲರಾಗಿದ್ದೇವೆ ಎಂದು ವರದಿ ಉಲ್ಲೇಖ ಮಾಡಿದೆ.

ದಶಕದ ಹಿಂದಷ್ಟೇ ಜಾಗತಿಕ ಅಪಾಯಗಳು, ಜಾಗತಿಕ ಆರ್ಥಿಕತೆ ಮತ್ತು ಹಣಕಾಸು ವ್ಯವಸ್ಥೆಗಳ ಮೇಲೆ ಪರಿಣಾಮ ಬೀರಿತು. ಅಲ್ಪಾವಧಿಯ 2020ರಲ್ಲಿ ಆರ್ಥಿಕ ಪ್ರತಿಸ್ಪರ್ಧೆ, ದೇಶಿಯ ರಾಜಕೀಯ ಧ್ರುವೀಕರಣ, ವಾತಾವರಣದಲ್ಲಿ ತಾಪಮಾನ ಏರಿಕೆ, ನೈಸರ್ಗಿಕ ಸಂಪನ್ಮೂಲಗಳ ನಾಶ ಮತ್ತು ಸೈಬರ್‌ ದಾಳಿಗಳು ಸೇರಿಕೊಂಡಿವೆ.

Advertisement

ಲಂಡನ್ ನಲ್ಲಿ ಸಮೀಕ್ಷೆ ಬಿಡುಗಡೆ ಮಾಡಿದ ಜಿನಿವಾ ಮೂಲದ ಡಬ್ಲೂ.ಇ.ಎಫ್., ವಿಶ್ವದ ಸುಸ್ಥಿರಕ್ಕೆ ತೀವ್ರವಾದ ಅಪಾಯಗಳನ್ನು ತಡೆಯಲು ಜಾಗತಿಕ ನಾಯಕರ, ಉದ್ಯಮಿಗಳ, ಚಿಂತಕರ ಚಾವಡಿಗರ ಹಾಗೂ ನೀತಿ ನಿರೂಪಕರ ಸಹಯೋಗ ಹಿಂದೆಂದಿಗಿಂತಲೂ ಹೆಚ್ಚು ಅಗತ್ಯವಿದೆ ಎಂದು ಹೇಳಿದೆ.

ದಾವೊಸ್‌ನಲ್ಲಿ ನಡೆಯುವ ಡಬ್ಲ್ಯೂ.ಇ.ಎಫ್.ನ ವಾರ್ಷಿಕ ಸಭೆಯಲ್ಲಿ ಜಾಗತಿಕ ಅಪಾಯಗಳ ವರದಿ ಬಗ್ಗೆ  ಚರ್ಚೆ ನಡೆಯಲಿದ್ದು, ಬದಾವೊಸ್‌ನ 50ನೇ ವಾರ್ಷಿಕ ಸಭೆಯು ಜನವರಿ 20ರಿಂದ 24ರ ನಡುವೆ ನಡೆಯಲಿದೆ.

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next