ಆಂಗ್ಲರನ್ನು ಮಣಿಸಿದ ಆಸ್ಟ್ರೇಲಿಯ

ಸೌತಾಂಪ್ಟನ್‌: ತನ್ನ ಮೊದಲ ವಿಶ್ವಕಪ್‌ ಅಭ್ಯಾಸ ಪಂದ್ಯದಲ್ಲಿ ಹಾಲಿ ಚಾಂಪಿಯನ್‌ ಆಸ್ಟ್ರೇಲಿಯ ಆತಿಥೇಯ ಇಂಗ್ಲೆಂಡನ್ನು 12 ರನ್ನುಗಳಿಂದ ಸೋಲಿಸಿದೆ.

ಶನಿವಾರ ರಾತ್ರಿ ಸೌತಾಂಪ್ಟನ್‌ನಲ್ಲಿ ನಡೆದ ಈ ರೋಚಕ ಕಾಳಗದಲ್ಲಿ ಮೊದಲು ಬ್ಯಾಟಿಂಗ್‌ ನಡೆಸಿದ ಆಸ್ಟ್ರೇಲಿಯ 9 ವಿಕೆಟಿಗೆ 297 ರನ್‌ ಪೇರಿಸಿದರೆ, ಇಂಗ್ಲೆಂಡ್‌ 49.3 ಓವರ್‌ಗಳಲ್ಲಿ 285ಕ್ಕೆ ಆಲೌಟ್‌ ಆಯಿತು.

ದೊಡ್ಡ ಮೊತ್ತವನ್ನು ಇಂಗ್ಲೆಂಡ್‌ ದಿಟ್ಟ ರೀತಿಯಲ್ಲೇ ಚೇಸ್‌ ಮಾಡ ಲಿಳಿ ದಿತ್ತು. ಜೇಮ್ಸ್‌ ವಿನ್ಸ್‌ 64, ಮಾರ್ಗನ್‌ ಗೈರಲ್ಲಿ ನಾಯಕತ್ವ ವಹಿಸಿದ ಜಾಸ್‌ ಬಟ್ಲರ್‌ 52, ಕ್ರಿಸ್‌ ವೋಕ್ಸ್‌ 40 ರನ್‌ ಬಾರಿಸಿ ಆಸೀಸ್‌ ಮೊತ್ತವನ್ನು ಸಮೀಪಿಸಿದರು. ಆದರೆ ಕೊನೆಯ ಹಂತದಲ್ಲಿ ಒತ್ತಡಕ್ಕೆ ಸಿಲಕಿತು.
ಆಸ್ಟ್ರೇಲಿಯ ಪರ ಬೌಲಿಂಗ್‌ ದಾಳಿಗಿಳಿದ ಎಲ್ಲ 6 ಮಂದಿ ವಿಕೆಟ್‌ ಕೀಳುವಲ್ಲಿ ಯಶಸ್ವಿಯಾದರು. ಇವರಲ್ಲಿ ಬೆಹೆÅಂಡಾಫ್ì ಮತ್ತು ಕೇನ್‌ ರಿಚರ್ಡ್‌ ಸನ್‌ ತಲಾ 2 ವಿಕೆಟ್‌ ಸಂಪಾದಿಸಿದರೆ, ಉಳಿದವರು ಒಂದೊಂದು ವಿಕೆಟ್‌ ಕಿತ್ತರು.

ಆಸ್ಟ್ರೇಲಿಯ ಬ್ಯಾಟಿಂಗ್‌ ಸರದಿ ಯಲ್ಲಿ ಮಾಜಿ ನಾಯಕ ಸ್ಟೀವನ್‌ ಸ್ಮಿತ್‌ ಆಕರ್ಷಕ ಶತಕ ಬಾರಿಸಿ ಮೆರೆದರು (116).

ಸಂಕ್ಷಿಪ್ತ ಸ್ಕೋರ್‌
ಆಸ್ಟ್ರೇಲಿಯ-9 ವಿಕೆಟಿಗೆ 297. ಇಂಗ್ಲೆಂಡ್‌-49.3 ಓವರ್‌ಗಳಲ್ಲಿ 285 ಆಲೌಟ್‌ (ವಿನ್ಸ್‌ 64, ಬಟ್ಲರ್‌ 52, ವೋಕ್ಸ್‌ 40, ಬೆಹೆÅಂಡಾಫ್ì 43ಕ್ಕೆ 2, ರಿಚರ್ಡ್‌ಸನ್‌ 51ಕ್ಕೆ 2).