Break ಇಲ್ಲದೆ ಅಮೆಜಾನ್‌ ಗೋದಾಮುಗಳಲ್ಲಿ ಕಾರ್ಮಿಕರಿಗೆ ಕೆಲಸ?

ಹೊಸದಿಲ್ಲಿ: ಹರಿಯಾಣದ ಮನೇಸಾರ್‌ ಕೈಗಾರಿಕ ಕೇಂದ್ರದಲ್ಲಿರುವ ಅಮೆಜಾನ್‌ ಗೋದಾಮುಗಳಲ್ಲಿ ಕಾರ್ಮಿಕರಿಗೆ ಕಠಿನ ಕೆಲಸ ಹಾಗೂ ಹೆಚ್ಚಿನ ಉತ್ಪಾದನಾ ಒತ್ತಡ ನೀಡಲಾಗುತ್ತಿದೆ ಎಂಬ ಆರೋಪ ಕೇಳಿಬಂದಿದೆ.

ಅಮೆಜಾನ್‌ ಇಂಡಿಯಾ ಈ ಬಗ್ಗೆ ಪರಿಶೀಲನೆಗೆ ಮುಂದಾಗಿದೆ. ಕಾರ್ಮಿಕರಿಗೆ ನೀಡಿರುವ ಕೆಲಸದ ಗುರಿ ತಲು ಪುವವರೆಗೆ ಶೌಚಕ್ಕೂ ವಿರಾಮ ತೆಗೆದು ಕೊಳ್ಳದಂತೆ ಪ್ರತಿಜ್ಞೆ ಮಾಡಲು ಒತ್ತಾಯಿಸ ಲಾಗಿದೆ ಎಂದು ಕಾರ್ಮಿಕರೊಬ್ಬರು ಹೇಳಿದ್ದರು. 50 ಡಿಗ್ರಿ ಸೆಲ್ಸಿಯಸ್‌ ತಾಪಮಾನದಲ್ಲಿ ದೊಡ್ಡ ಟ್ರಕ್‌ಗಳಿಂದ ಸರಕುಗಳನ್ನು ಇಳಿಸುವಂತಹ ಕೆಲಸಗಾರ ರಿಗೂ ಈ ಗುರಿಗಳನ್ನು ನೀಡಲಾಗಿದೆ. ಇಲ್ಲಿ ಕಾರ್ಮಿ ಕರು ತಿಂಗಳಿಗೆ 10 ಸಾವಿರ ರೂ.ಗಳಷ್ಟು ಸಂಬಳ ಪಡೆದು ದಿನಕ್ಕೆ 10 ಗಂಟೆ ಕಾರ್ಯನಿರ್ವಹಿಸುತ್ತಿದ್ದರೂ ವಿರಾಮ ಪಡೆಯುವಂತಿಲ್ಲ ಎನ್ನಲಾಗಿದೆ.