Mangaluru ವಿದ್ಯುತ್ ಶಾಕ್ ಹೊಡೆದು ಕಾರ್ಮಿಕ ಸಾವು

ಮಂಗಳೂರು: ವಿದ್ಯುತ್‌ ಶಾಕ್‌ ತಗಲಿ ಶಾಮಿಯಾನ ಅಂಗಡಿಯ ಕಾರ್ಮಿಕ ಮೃತಪಟ್ಟ ಘಟನೆ ಮೂಡುಶೆಡ್ಡೆಯಲ್ಲಿ ಮಂಗಳವಾರ ರಾತ್ರಿ ಸಂಭವಿಸಿದೆ.

ಮಧ್ಯಪ್ರದೇಶದ ಸೋನುಸಿಂಗ್‌ ಗೋಂಡಾ (22) ಮೃತಪಟ್ಟ ಕಾರ್ಮಿಕ. ಮೂಡುಶೆಡ್ಡೆ ಗ್ರಾ.ಪಂ. ಕಚೇರಿ ಬಳಿ ಇರುವ ಶಾಮಿಯಾನ ಅಂಗಡಿಯಲ್ಲಿ ಕಳೆದ 5 ತಿಂಗಳಿನಿಂದ ಸೋನುಸಿಂಗ್‌ ಕೆಲಸ ಮಾಡಿಕೊಂಡಿದ್ದರು.

ಅಂಗಡಿಯ ಕೊಠಡಿಯಲ್ಲಿಯೇ ಉಳಿದುಕೊಂಡಿದ್ದರು. ಘಟನೆಯ ಬಗ್ಗೆ ಕಾವೂರು ಪೊಲೀಸರಿಗೆ ದೂರು ನೀಡಲಾಗಿದೆ.