ಮಹಿಳಾ ಕಬಡ್ಡಿ : ರಾಷ್ಟ್ರ ಮಟ್ಟಕ್ಕೆ

ಕಾಣಿಯೂರು: ಬೆಂಗಳೂರು ವಿಶ್ವವಿದ್ಯಾನಿಲಯದಲ್ಲಿ ನಡೆದ ದಕ್ಷಿಣ ವಲಯ ಅಂತರ್‌ ವಿಶ್ವ ವಿದ್ಯಾಲಯ ಮಹಿಳಾ ಕಬಡ್ಡಿ ಪಂದ್ಯಾಟದಲ್ಲಿ ಪ್ರಶಸ್ತಿ ಗಳಿಸಿದ ಮಂಗಳೂರು ವಿವಿ ಮಹಿಳಾ ತಂಡದಲ್ಲಿ ಪ್ರತಿನಿಧಿಸಿದ ಕಾಣಿಯೂರು ಅಬೀರ ನಿವಾಸಿ ಸೌಮ್ಯಾ ಅವರು ರಾಷ್ಟ್ರಮಟ್ಟಕ್ಕೆ ಆಯ್ಕೆಯಾಗಿದ್ದಾರೆ.

ದಕ್ಷಿಣ ವಲಯ ಮಟ್ಟದಲ್ಲಿ ಲೀಗ್‌ ಪಂದ್ಯಾವಳಿಗೆ ಅರ್ಹತೆ ಪಡೆದ ಮಂಗಳೂರು ವಿವಿ ಲೀಗ್‌ ಹಂತದಲ್ಲಿ ಕೇರಳ ವಿವಿಯನ್ನು 33-20, ತಮಿಳುನಾಡು ಕ್ರೀಡಾ ವಿಶ್ವವಿದ್ಯಾನಿಲಯವನ್ನು 46-30 ಹಾಗೂ ಮಧುರೈ ಕಾಮರಾಜ್‌ ವಿಶ್ವವಿದ್ಯಾನಿಲಯವನ್ನು 42-14 ಅಂಕಗಳಿಂದ ಸೋಲಿಸಿತು.

ಕಾಣಿಯೂರು ಗ್ರಾಮದ ಅಬೀರ ನಿವಾಸಿ ರಾಮಣ್ಣ ಪೂಜಾರಿ ಹಾಗೂ ಲಲಿತಾ ದಂಪತಿಯ ಪುತ್ರಿಯಾಗಿರುವ ಸೌಮ್ಯಾ ಅಬೀರ, ಮೂಡಬಿದಿರೆ ಅಳ್ವಾಸ ಶಿಕ್ಷಣ ಸಂಸ್ಥೆಯಲ್ಲಿ ಅಂತಿಮ ವರ್ಷದ ಎಂ.ಕಾಂ. ವಿದ್ಯಾರ್ಥಿನಿ. ನ. 21ರಿಂದ ಹಿಮಾಚಲ ಪ್ರದೇಶದ ಶಿಮ್ಲಾದಲ್ಲಿ ನಡೆಯಲಿರುವ ಅಖಿಲ ಭಾರತ ಅಂತರ್‌ ವಿಶ್ವವಿದ್ಯಾನಿಲಯಗಳ ಪಂದ್ಯಾವಳಿಯಲ್ಲಿ ಭಾಗವಹಿಸಲಿದ್ದಾರೆ.