ವನಿತಾ ಹಾಕಿ ಸರಣಿ: ಸೋಲುವ ಪಂದ್ಯ ಡ್ರಾ ಮಾಡಿಕೊಂಡ ಭಾರತ

ಕೌಲಾಲಂಪುರ: ಮಲೇಶ್ಯ ವಿರುದ್ಧದ 3ನೇ ಹಾಕಿ ಟೆಸ್ಟ್‌ ಪಂದ್ಯದಲ್ಲಿ ಸೋಲುವ ಹಂತದಲ್ಲಿದ್ದ ಭಾರತದ ವನಿತೆಯರು ಕೊನೆ ಗಳಿಗೆಯಲ್ಲಿ ದಿಟ್ಟ ಆಟವಾಡಿ ಡ್ರಾ ಮಾಡಿಕೊಳ್ಳುವಲ್ಲಿ ಯಶಸ್ವಿಯಾಗಿದೆ.

ಸೋಮವಾರ ನಡೆದ ಪಂದ್ಯದಲ್ಲಿ 2-4 ಹಿನ್ನಡೆಯಲ್ಲಿದ್ದ ಭಾರತ ಅಂತಿಮ ಕ್ವಾರ್ಟರ್‌ನಲ್ಲಿ ಆಕ್ರಮಣ ಆಟಕ್ಕೆ ಮರಳಿ 2 ಗೋಲು ಹೊಡೆದು ಸೋಲಿನಿಂದ ಪಾರಾಯಿತು.

2-0 ಮುನ್ನಡೆ
13ನೇ ನಿಮಿಷದಲ್ಲಿ ನವಜೋತ್‌ ಕೌರ್‌ ಮತ್ತು 22ನೇ ನಿಮಿಷದಲ್ಲಿ ನವನೀತ್‌ ಕೌರ್‌ ಗೋಲು ಹೊಡೆದು ಭಾರತಕ್ಕೆ ಭರ್ಜರಿ ಆರಂಭ ಒದಗಿಸಿದರು. ಆದರೆ ಈ ಮುನ್ನಡೆ ಯನ್ನು ಹೆಚ್ಚು ಹೊತ್ತು ಉಳಿಸಿಕೊಳ್ಳಲು ಸಾಧ್ಯವಾಗಲಿಲ್ಲ. ನಿರಂತರ ತಪ್ಪುಗಳನ್ನು ಮಾಡಿ ಮಲೇಶ್ಯಕ್ಕೆ ಗೋಲು ಹೊಡೆ ಯುವ ಅವಕಾಶ ಕಲ್ಪಿಸಿತು.

26ನೇ ನಿಮಿಷದಲ್ಲಿ ಮಲೇಶ್ಯದ ಗುರ್‌ದೀಪ್‌ ಕಿರಣ್‌ದೀಪ್‌ ಗೋಲು ಬಾರಿಸಿದರು. ಮೊದಲೆರಡು ಪಂದ್ಯ ಗಳಲ್ಲಿ 0-3, 0-5 ಅಂತರದಿಂದ ಸೋತಿದ್ದ ಮಲೇಶ್ಯ, ಈ ಕೂಟದಲ್ಲಿ ಮೊದಲ ಗೋಲು ಬಾರಿಸಿ ಸಂಭ್ರಮಿ ಸಿತು. ಇದರಿಂದ ಆತ್ಮವಿಶ್ವಾಸ ಹೆಚ್ಚಿಸಿ ಕೊಂಡ ಮಲೇಶ್ಯ ಇನ್ನೊಂದು ಗೋಲು ಹೊಡೆದು 2-2 ಸಮಬಲ ಸಾಧಿಸಿತು. ಈ ಗೋಲನ್ನು ನುರೈನಿ ರಶೀದ್‌ ಹೊಡೆದರು.

ಸಮಬಲದ ಬಳಿಕ ಸಿಕ್ಕಿದ ಇನ್ನೆರಡು ಪೆನಾಲ್ಟಿ ಕಾರ್ನರ್‌ ಅವಕಾಶಗಳನ್ನು ಮಲೇಶ್ಯ ಯಶಸ್ವಿಗೊಳಿಸಿತು. ಮುನ್ನಡೆ 4-2ಕ್ಕೆ ಏರಿತು.

ಅಂತಿಮ ಕ್ವಾರ್ಟರ್‌ನಲ್ಲಿ ಭಾರತ ಮತ್ತೆ ಆಕ್ರಮಣ ಆಟವಾಡಿತು. ನವನೀತ್‌ ಕೌರ್‌ (45ನೇ ನಿಮಿಷ) ಮತ್ತು ಲಾಲ್ರೆಮಿÕಯಾಮಿ (54ನೇ ನಿಮಿಷ) ಗೋಲು ಹೊಡೆದು ಪಂದ್ಯ ಡ್ರಾ ಮಾಡುವಲ್ಲಿ ಯಶಸ್ವಿಯಾದರು.
4ನೇ ಟೆಸ್ಟ್‌ ಪಂದ್ಯ ಬುಧವಾರ ನಡೆಯಲಿದೆ.