Women’s Asia Cup: ಮಲೇಷ್ಯಾ ವಿರುದ್ಧ ಥೈಲ್ಯಾಂಡ್‌ಗೆ 22 ರನ್‌ ಜಯ

ದಂಬುಲಾ: ಇಲ್ಲಿ ನಡೆದ ವನಿತಾ ಏಷ್ಯಾಕಪ್‌ 3ನೇ ಟಿ20 ಪಂದ್ಯದಲ್ಲಿ ಮಲೇಷ್ಯಾ ವಿರುದ್ದ ಥೈಲ್ಯಾಂಡ್‌ ತಂಡ 22 ರನ್‌ಗಳ ಜಯ ಗಳಿಸಿದೆ. ಇದು ಥೈಲ್ಯಾಂಡ್‌ಗೆ ಕೂಟದಲ್ಲಿ ಲಭಿಸಿದ ಮೊದಲನೇ ಗೆಲುವು.

ಟಾಸ್‌ ಗೆದ್ದು ಬ್ಯಾಟಿಂಗ್‌ ಮಾಡಿದ ಥೈಲ್ಯಾಂಡ್‌, 20 ಓವರ್‌ಗಳಲ್ಲಿ 6 ವಿಕೆಟ್‌ ನಷ್ಟಕ್ಕೆ 133 ರನ್‌ ಬಾರಿಸಿತ್ತು. ನಟಾಯ ಬೂಚಾತಮ್‌ 18, ನನಪಟ್‌ ಕೊಂಚರೊಯೆಂಕಾಯಿ 40 ರನ್‌ ಸಿಡಿಸಿ ತಂಡದ ಮೊತ್ತ ಏರಿಸುವಲ್ಲಿ ನೆರವಾದರು.

ಇದಕ್ಕೆ ಪ್ರತ್ಯುತ್ತರವಾಗಿ ಬ್ಯಾಟಿಂಗ್‌ ಮಾಡಿದ ಮಲೇಷ್ಯಾ, 20 ಓವರ್‌ ಮುಕ್ತಾಯಕ್ಕೆ 8 ವಿಕೆಟ್‌ ಕಳೆದುಕೊಂಡು 111 ರನ್‌ ಗಳಿಸಲಷ್ಟೇ ಶಕ್ತವಾಯಿತು. ತಂಡದ ಪರ ವಾನ್‌ ಜುಲಿಯಾ 52 ರನ್‌ ಸಿಡಿಸಿ ಹೋರಾಟ ನಡೆಸಿದ್ದರಾದರೂ ಉಳಿದ ಬ್ಯಾಟರ್‌ಗಳ ಬೆಂಬಲವಿಲ್ಲದೆ ತಂಡ ಸೋಲೊಪ್ಪಿಕೊಂಡಿತು.