ಅಜೇಯವಾಗಿ ನಾಕೌಟ್‌ ತಲುಪಿದ ಇಂಗ್ಲೆಂಡ್‌

ನೈಸ್‌ (ಸ್ಪೇನ್‌): “ಡಿ’ ವಿಭಾಗದ 3ನೇ ಹಾಗೂ ಅಂತಿಮ ಲೀಗ್‌ ಪಂದ್ಯದಲ್ಲಿ ಜಪಾನ್‌ಗೆ 2-0 ಅಂತರದಿಂದ ಆಘಾತವಿಕ್ಕಿದ ಇಂಗ್ಲೆಂಡ್‌ ತಂಡ ಅಜೇಯವಾಗಿ ವನಿತಾ ವಿಶ್ವಕಪ್‌ ಫ‌ುಟ್‌ಬಾಲ್‌ ಪಂದ್ಯಾವಳಿಯ ನಾಕೌಟ್‌ ಹಂತವನ್ನು ಪ್ರವೇಶಿದೆ.

ಬುಧವಾರ ರಾತ್ರಿ ಇಲ್ಲಿ ನಡೆದ ಮುಖಾಮುಖೀಯಲ್ಲಿ ಇಂಗ್ಲೆಂಡಿನ ಎಲ್ಲೆನ್‌ ವೈಟ್‌ ಜಪಾನ್‌ ಮೇಲೆ ಘಾತಕವಾಗಿ ಎರಗಿದರು. ಅವರು ಪಂದ್ಯದ ಎರಡೂ ಗೋಲುಗಳನ್ನು ಸಿಡಿಸಿದರು.

ಇಂಗ್ಲೆಂಡ್‌ ಇದಕ್ಕೂ ಮುನ್ನ ಸ್ಕಾಟ್ಲೆಂಡ್‌ (2-1) ಮತ್ತು ಆರ್ಜೆಂಟೀನಾಕ್ಕೆ (1-0) ಸೋಲುಣಿಸಿತ್ತು. ಈ ಕೂಟದ ಲೀಗ್‌ ಹಂತದಲ್ಲಿ ಮೂರೂ ಪಂದ್ಯಗಳನ್ನು ಗೆದ್ದ ಉಳಿದ ತಂಡಗಳೆಂದರೆ ಫ್ರಾನ್ಸ್‌ (ಎ) ಮತ್ತು ಜರ್ಮನಿ (ಬಿ).