Anandapura: ಬಟ್ಟೆ ತೊಳೆಯಲು ಹೋದ ಮಹಿಳೆ ಕೆರೆಗೆ ಬಿದ್ದು ಮೃತ್ಯು

ಆನಂದಪುರ: ಬಟ್ಟೆ ತೊಳೆಯಲು ಹೋದ ಮಹಿಳೆಯೊಬ್ಬರು ಕಾಲು ಜಾರಿ ಕೆರೆಗೆ ಬಿದ್ದು ಮೃತಪಟ್ಟ ಘಟನೆ ಆನಂದಪುರ ಸಮೀಪದ ಗಿಳಾಲಗುಂಡಿಯಲ್ಲಿರುವ ಅಮ್ಮನ ಕೆರೆಯಲ್ಲಿ ಗುರುವಾರ(ಅ.31) ನಡೆದಿದೆ.

ಕೋಣ ಹೊಸೂರು ಗ್ರಾಮದ ಗಾಯತ್ರಿ (55) ಮೃತಪಟ್ಟ ಮಹಿಳೆ.

ಬುಧವಾರ ಗಾಯತ್ರಿ ಅವರು ಬಟ್ಟೆ ತೊಳೆಯಲೆಂದು ಅಮ್ಮನ ಕೆರೆಗೆ ಬಂದಿದ್ದು ಸಂಜೆಯಾದರೂ ಮನೆಗೆ ಬಂದಿಲ್ಲ ಇದರಿಂದ ಗಾಬರಿಗೊಂಡ ಮಕ್ಕಳು ಕೆರೆಯ ಬಳಿ ಬಂದಿದ್ದಾರೆ ಆದರೆ ಈ ವೇಳೆ ತಾಯಿ ಕಾಣದೇ ಇದ್ದಾಗ ಹುಡುಕಾಡಲು ಆರಂಭಿಸಿದ್ದಾರೆ. ಈ ವೇಳೆ ಅಮ್ಮನ ಕೆರೆಯ ಮೇಲ್ಭಾಗ ಮಹಿಳೆಯ ಚಪ್ಪಲಿ ಕಂಡುಬಂದಿದ್ದು ತಕ್ಷಣವೇ ಮಕ್ಕಳು ಸಾಗರ ಅಗ್ನಿಶಾಮದಳಕ್ಕೆ ಮಾಹಿತಿ ನೀಡಿದ್ದಾರೆ.

ಗುರುವಾರ ರಾತ್ರಿ ಅಗ್ನಿಶಾಮಕ ತಂಡ ಸ್ಥಳಕ್ಕೆ ಧಾವಿಸಿ ಕೆರೆಯಲ್ಲಿ ಹುಡುಕಾಟ ನಡೆಸಿದ ಸಂದರ್ಭದಲ್ಲಿ ಮಹಿಳೆಯ ಶವ ಪತ್ತೆಯಾಗಿದೆ. ಆನಂದಪುರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಲಾಗಿದೆ.