ಮನೆ ಗೋಡೆ ಕುಸಿದು ಅಜ್ಜಿ, ಮೊಮ್ಮಗಳ ದಾರುಣ ಸಾವು

ಬಂಡಾ, ಉತ್ತರ ಪ್ರದೇಶ : ಬಂಡಾ ಜಿಲ್ಲೆಯ ಪ್ರಿಪ್ರಿ ಗ್ರಾಮದಲ್ಲಿ ಮನೆಯೊಂದರ ಗೋಡೆ ಕುಸಿದ ದುರಂತದಲ್ಲಿ ಓರ್ವ ಮಹಿಳೆ ಮತ್ತು ಆಕೆಯ ಮೊಮ್ಮಗಳು ಮೃತಪಟ್ಟ ಘಟನೆ ವರದಿಯಾಗಿದೆ. 

ಕುಸುಮ್‌ ಸಾಹು (50) ಮತ್ತು ಆಕೆಯ 9 ವರ್ಷ ಪ್ರಾಯದ ಮೊಮ್ಮಗಳ ದೇಹವನ್ನು ಅವಶೇಷಗಳೆಡೆಯಿಂದ ಮೇಲಕ್ಕೆತ್ತಲಾಗಿ ಒಡನೆಯೇ ಆಸ್ಪತ್ರೆಗೆ ಕೊಂಡೊಯ್ಯಲಾಯಿತು. ಆದರೆ ಅಲ್ಲಿ ಚಿಕಿತ್ಸೆ ಫ‌ಲಕಾರಿಯಾಗದೆ ಅವರೀರ್ವರೂ ಕೊನೆಯುಸಿರೆಳೆದರು ಎಂದು ಪೊಲೀಸರು ತಿಳಿಸಿದ್ದಾರೆ.