ಪತಿ ಕೋವಿಡ್ ನಿಂದ ಸಾವು: ಸುದ್ದಿ ತಿಳಿದ ಪತ್ನಿ ಆತ್ಮಹತ್ಯೆ!

ಇಂದೋರ್: ಕೋವಿಡ್ 19 ಸೋಂಕಿನಿಂದ ಪತಿ ಸಾವನ್ನಪ್ಪಿದ ಸುದ್ದಿ ಕೇಳಿದ ಪತ್ನಿಯೂ ನೇಣು ಬಿಗಿದು ಆತ್ಮಹತ್ಯೆ ಮಾಡಿಕೊಂಡ ಘಟನೆ ಮಧ್ಯಪ್ರದೇಶದ ಇಂದೋರ್ ನಲ್ಲಿ ಬುಧವಾರ ನಡೆದಿದೆ.

ನೇಹಾ ಪವಾರ್ ಎಂಬವರೇ ನೇಣಿಗೆ ಶರಣಾದ ಮಹಿಳೆ. ಇಂದೋರ್ ನ ಬಿಜಲಾಪುರ ಎಂಬಲ್ಲಿನ ಮನೆಯಲ್ಲಿ ಮಹಿಳೆ ಸಾವನ್ನಪ್ಪಿದ್ದಾಳೆ ಎಂದು ಸ್ಥಳೀಯ ಪೊಲೀಸ್ ಇನ್ಸ್ ಪೆಕ್ಟರ್ ತಿಳಿಸಿದ್ದಾರೆ.

ನೇಹಾ ಅವರು ಇಂದೋರ್ ನ ಕಾಲೇಜಿನಲ್ಲಿ ಪ್ರೊಫೆಸರ್ ಆಗಿದ್ದವರು. ಅವರ ಪತಿ ಪವನ್ ಪವಾರ್ (35 ವ) ಅವರು ಕೋವಿಡ್ ಸೋಂಕಿನಿಂದ ಆಸ್ಪತ್ರೆಯಲ್ಲಿ ಮೃತಪಟ್ಟಿದ್ದರು. ಇದೇ ಆಘಾತದಿಂದ ಆಸ್ಪತ್ರೆಯಿಂದ ಮನೆಗೆ ಬಂದ ನೇಹಾ ಮನೆಯ ಫ್ಯಾನ್ ಗೆ ನೇಣು ಬಿಗಿದುಕೊಂಡು ಆತ್ಮಹತ್ಯೆಗೆ ಶರಣಾಗಿದ್ದಾರೆ.

ಇದನ್ನೂ ಓದಿ:ಕರ್ಪ್ಯೂ ಹಿನ್ನೆಲೆ ಗುಟ್ಕಾ ಖರೀದಿಗೆ ಸಾಮಾಜಿಕ ಅಂತರ ಮರೆತು ಮುಗಿಬಿದ್ದ ವ್ಯಾಪಾರಿಗಳು!

ಪವನ್ ಅವರು ಅರಣ್ಯ ಇಲಾಖೆಯ ಉಪ ರೇಂಜರ್ ಆಗಿ ಆಯ್ಕೆಯಾಗಿದ್ದರು. ಆದರೆ ಸೋಂಕಿನ ಸಂಖ್ಯೆ ಹೆಚ್ಚಾದ ಕಾರಣ ಅವರ ಟ್ರೈನಿಂಗ್ ಮುಂದೂಡಲಾಗಿತ್ತು ಎಂದು ಪೊಲೀಸರು ತಿಳಿಸಿದ್ದಾರೆ.