ಅಕ್ಕಿ ರಫ್ತು ನಿಷೇಧ ಹಿಂಪಡೆಯಿರಿ: IMF

ವಾಷಿಂಗ್ಟನ್‌: ಬಾಸುಮತಿ ಹೊರತಾದ ಅಕ್ಕಿಯ ರಫ್ತಿನ ಮೇಲೆ ಭಾರತ ನಿಷೇಧ ಹೇರಿದೆ. ಈ ನಿಷೇಧ ತೆರವುಗೊಳಿಸುವ ನಿಟ್ಟಿನಲ್ಲಿ ಭಾರತವನ್ನು ನಾವು ಬೆಂಬಲಿಸುತ್ತೇವೆ ಎಂದು ಅಂತಾರಾಷ್ಟ್ರೀಯ ಹಣಕಾಸು ನಿಧಿ(ಐಎಂಎಫ್) ಹೇಳಿದೆ.

ಮುಂಬರುವ ಹಬ್ಬದ ಋತುವಿನಲ್ಲಿ ದೇಶೀಯ ಪೂರೈಕೆಯನ್ನು ಹೆಚ್ಚಿಸಲು ಮತ್ತು ಚಿಲ್ಲರೆ ಬೆಲೆಗಳನ್ನು ನಿಯಂತ್ರಣದಲ್ಲಿಡಲು ಭಾರತ ಸರ್ಕಾರ ಜುಲೈ 20ರಂದು ಬಾಸುಮತಿ ಹೊರತಾದ ಅಕ್ಕಿಯ ರಫ್ತು ನಿಷೇಧಿಸಿತು. “ಈ ರೀತಿಯ ರಫ್ತು ನಿಷೇಧವು ಜಾಗತಿಕ ಹಣದುಬ್ಬರ ಮೇಲೆ ಪರಿಣಾಮ ಬೀರುತ್ತದೆ. ಹೀಗಾಗಿ ನಿಷೇಧ ಹಿಂಪಡೆಯುವಂತೆ ಭಾರತಕ್ಕೆ ಮನವಿ ಮಾಡುತ್ತೇವೆ’ ಎಂದು ಐಎಂಎಫ್ ಹೇಳಿದೆ. ಪ್ರಮುಖವಾಗಿ ಅಮೆರಿಕ, ಥಾಯ್ಲೆಂಡ್‌, ಇಟಲಿ, ಸ್ಪೇನ್‌ ಮತ್ತು ಶ್ರೀಲಂಕಾಗೆ ಭಾರತ ಅಕ್ಕಿ ರಫ್ತು ಮಾಡುತ್ತದೆ.