20 ಸ್ಥಾನ ಗೆಲ್ಲೋದು ಪಕ್ಕಾ:ಸಿದ್ದರಾಮಯ್ಯ

ಲಕ್ಷ್ಮೇಶ್ವರ: “ಲೋಕಸಭಾ ಚುನಾವಣೆಯಲ್ಲಿ ಮೈತ್ರಿ ಪಕ್ಷ ರಾಜ್ಯದಲ್ಲಿ ಕನಿಷ್ಠ 20 ಸ್ಥಾನ ಗೆಲ್ಲಲಿದೆ’ ಎಂದು ಮಾಜಿ ಸಿಎಂ ಸಿದ್ದರಾಮಯ್ಯ ಹೇಳಿದರು.

ಸುದ್ದಿಗೋಷ್ಠಿಯಲ್ಲಿ ಮಾತನಾಡಿ, “ಮೊದಲ ಹಂತದ 14 ಕ್ಷೇತ್ರಗಳ ಚುನಾವಣೆಯಲ್ಲಿ ಕಾಂಗ್ರೆಸ್‌ಗೆ ಹೆಚ್ಚಿನ ಬೆಂಬಲ ವ್ಯಕ್ತವಾಗಿದ್ದು, ಹೆಚ್ಚು ಸ್ಥಾನ ಗೆಲ್ಲುತ್ತೇವೆ’ ಎಂದು ತಾವು ಮತದಾನ ಮಾಡಿ ಬಂದಬೆರಳನ್ನು ತೋರಿಸಿದರು. ಅಲ್ಲದೇ ಐಟಿ ದಾಳಿಗೆ ನಮ್ಮ ವಿ ರೋಧವಿಲ್ಲ. ಆದರೆ ಅದು ರಾಜಕೀಯ ಪ್ರೇರಿತವಾಗಬಾರದು. ಶಿರಸಿಯಲ್ಲಿ ಬಿಜೆಪಿ ಮುಖಂಡನೊಬ್ಬನ ಮನೆ ಮೇಲೆ ಮಾಡಿದ ದಾಳಿ
ತೋರಿಕೆಯದ್ದಾಗಿದ್ದು, ಇದು ಕಾಂಗ್ರೆಸ್‌ನವರ ಮೇಲೆ ಮತ್ತಷ್ಟು ದಾಳಿ ಮಾಡಲು ಮಾಡಿದ ನಾಟಕ, ಪ್ಲಾ ನ್‌ ಆಗಿದೆ. ಐಟಿಯವರು ಯಡಿಯೂರಪ್ಪ, ಜಗದೀಶ ಶೆಟ್ಟರ್‌, ಪ್ರಹ್ಲಾದ ಜೋಶಿ ಅವರ ಮನೆ ಮೇಲೆ ದಾಳಿ ಮಾಡಿದ್ದಾರೆಯೇ ಎಂದು ಪ್ರಶ್ನಿಸಿದರು. ಮೋದಿ ಅವರದ್ದು ಈಗ “ಓಲ್ಡ್‌ ವೈನ್‌ ಇನ್‌ ನ್ಯೂ ಬಾಟಲ್‌’ ಎನ್ನುವಂತಿದೆ.

ಮೋದಿ, ಗೋಡ್ಸೆ ಸಂತತಿಗೆ ಸೇರಿದ ತಾನೊಬ್ಬನೇ ದೇಶಭಕ್ತ ಎಂದು 56 ಇಂಚಿನ ಎದೆ ಸೆಟೆಸಿ ಹೇಳುತ್ತಾರೆ. ದೇಶದಲ್ಲಿ ಕಾಂಗ್ರೆಸ್‌ ಅವಧಿಯಲ್ಲಿಯೂ ಸರ್ಜಿಕಲ್‌ ಸ್ಟ್ರೆ çಕ್‌ಗಳಾಗಿವೆ. ಆದರೆ ಯಾವುದನ್ನೂ ರಾಜಕೀಯ ಉದ್ದೇಶಕ್ಕಾಗಿ ಬಳಸಿಲ್ಲ ಎಂದರು.