ವಿಂಬಲ್ಡನ್‌: ಜೊಕೋವಿಕ್‌, ಕೊಕೊ ಗಾಫ್, ಜೆಲೆನಾ ಒಸ್ಟಾಪೆಂಕೊ ಮುನ್ನಡೆ

ಲಂಡನ್‌: ಅಮೆರಿಕದ ನೆಚ್ಚಿನ ಆಟಗಾರ್ತಿ ಕೊಕೊ ಗಾಫ್, ಲಾತ್ವಿಯಾದ ಜೆಲೆನಾ ಒಸ್ಟಾಪೆಂಕೊ, ಟ್ಯುನೀಶಿಯಾದ ಓನ್ಸ್‌ ಜೇಬರ್‌, ಜರ್ಮನಿಯ ತಜಾನಾ ಮರಿಯಾ ವಿಂಬಲ್ಡನ್‌ ವನಿತಾ ಸಿಂಗಲ್ಸ್‌ನಲ್ಲಿ ಗೆಲುವಿನ ಓಟ ಮುಂದುವರಿಸಿ 4ನೇ ಸುತ್ತಿಗೆ ಏರಿದ್ದಾರೆ.

ಹಾಲಿ ಚಾಂಪಿಯನ್‌ ಜೊಕೋವಿಕ್‌ ತಮ್ಮದೇ ದೇಶದ ಮಿಯೋಮಿರ್‌ ಕೆಮಾನೋವಿಕ್‌ ವಿರುದ್ಧ 6-0, 6-3, 6-4 ಅಂತರದ ಜಯ ಸಾಧಿಸಿದರು.

ಕೊಕೊ ಗಾಫ್ 6-2, 6-3 ಅಂತರದಿಂದ ರೊಮೇನಿಯಾದ ಮೈಕಲ್‌ ಬುಝನೆಸ್ಕಾ ಅವರನ್ನು ಕೆಡವಿದರೆ, ಓನ್ಸ್‌ ಜೇಬರ್‌ ಇಷ್ಟೇ ಅಂತರದಿಂದ ಫ್ರಾನ್ಸ್‌ನ ಡಯಾನಾ ಪರ್ರಿ ಅವರನ್ನು ಪರಾಭವಗೊಳಿಸಿದರು.

ಆತಿಥೇಯ ನಾಡಿನ ಹೀತರ್‌ ವಾಟ್ಸನ್‌ 7-6 (8-6), 6-2ರಿಂದ ಸ್ಲೊವೇನಿಯಾದ ಕಾಜಾ ಜುವಾನ್‌ ವಿರುದ್ಧ ಮೇಲುಗೈ ಸಾಧಿಸಿದರು. ತಜಾನಾ ಮರಿಯಾ 6-3, 7-5ರಿಂದ ಮರಿಯಾ ಸಕ್ಕರಿ ಆಟವನ್ನು ಕೊನೆಗೊಳಿಸಿದರು.