ಬೆಂಗಳೂರು: ಇಲ್ಲಿನ ಚಿನ್ನಸ್ವಾಮಿ ಸ್ಟೇಡಿಯಂನಲ್ಲಿ ನ್ಯೂಜಿಲ್ಯಾಂಡ್ ಮತ್ತು ಶ್ರೀಲಂಕಾ ತಂಡಗಳು ತಮ್ಮ ಕೊನೆಯ ಲೀಗ್ ಪಂದ್ಯಗಳನ್ನು ಆಡುತ್ತಿವೆ. ಶ್ರೀಲಂಕಾ ತಂಡವು ಈಗಾಗಲೇ ಸೆಮಿ ಫೈನಲ್ ರೇಸ್ ನಿಂದ ಹೊರಬಿದ್ದಿದ್ದರೆ, ಉಪಾಂತ್ಯ ಸುತ್ತಿಗೆ ಹೋಗಲು ಕಿವೀಸ್ ಗೆ ಇಂದಿನ ಗೆಲುವು ಅವಶ್ಯಕ.
ಕಳೆದ ಪಂದ್ಯದಲ್ಲಿ ಟೈಮ್ಡ್ ಔಟ್ ಆಗಿ ಸುದ್ದಿಯಾಗಿದ್ದ ಲಂಕಾದ ಹಿರಿಯ ಆಲ್ ರೌಂಡರ್ ಏ್ಯಂಜಲೋ ಮ್ಯಾಥ್ಯೂಸ್ ಇಂದು ಆಕರ್ಷಣೆಯ ಬಿಂದುವಾಗಿದ್ದರು. ಅವರು ಮೈದಾನಕ್ಕೆ ಬಂದಾಗ ಕಿವೀಸ್ ನಾಯಕ ಕೇನ್ ವಿಲಿಯಮ್ಸನ್ ಹೆಲ್ಮೆಟ್ ಬಗ್ಗೆ ಕೇಳಿ ಕಿಚಾಯಿಸಿದರು.
ಬ್ಯಾಟಿಂಗ್ ಮಾಡಲು ಮ್ಯಾಥ್ಯೂಸ್ ಅವರು ಪಿಚ್ ಗೆ ಬಂದಾಗ ಕೇನ್ ವಿಲಿಯಮ್ಸನ್ ಮತ್ತು ಟ್ರೆಂಟ್ ಬೌಲ್ಟ್ ಹೆಲ್ಮೆಟ್ ಬಗ್ಗೆ ಹೇಳಿ ಕಿಚಾಯಿಸಿದರು. ಏ್ಯಂಜಲೋ ಮ್ಯಾಥ್ಯೂಸ್ ಅವರು ನಗೆಯಾಡಿದರು.
ಶ್ರೀಲಂಕಾದ ಹಿಂದಿನ ಪಂದ್ಯದಲ್ಲಿ, ಬಾಂಗ್ಲಾದೇಶದ ವಿರುದ್ಧ ಮ್ಯಾಥ್ಯೂಸ್ ಟೈಮ್ಸ್ ಔಟಾಗಿದ್ದರು. ಹೊಸದಿಲ್ಲಿಯಲ್ಲಿ ನಡೆದ ಪಂದ್ಯದಲ್ಲಿ ಅವರು ಒಂದೇ ಒಂದು ಎಸೆತವನ್ನು ಎದುರಿಸದೆ ಔಟಾದರು. ಕ್ರೀಸ್ ಗೆ ಬಂದ ಅವರು ಹೆಲ್ಮೆಟ್ ಸ್ಟ್ರಾಪ್ ಸರಿಯಿಲ್ಲದ ಕಾರಣ ಮತ್ತೊಂದು ಹೆಲ್ಮೆಟ್ ತರಲು ಹೇಳಿದ್ದರು. ಈ ವೇಳೆ ಅವಧಿ ಮೀರಿದ ಕಾರಣ ಬಾಂಗ್ಲಾ ನಾಯಕ ಶಕೀಬ್ ಔಟ್ ಗೆ ಮನವಿ ಮಾಡಿದ್ದರು.
