ಎನ್‌ಡಿಎ ಮಿತ್ರಕೂಟದ ಸಭೆಯಲ್ಲಿ ಪಾಲ್ಗೊಳ್ಳುವುದಿಲ್ಲ : ಕುಶವಾಹ

ಹೊಸದಿಲ್ಲಿ : ಇಂದು ಸೋಮವಾರ ನಡೆಯಲಿರುವ ಎನ್‌ಡಿಎ ಮಿತ್ರ ಪಕ್ಷಗಳ ಸಭೆಯಲ್ಲಿ ತಾನು ಪಾಲ್ಗೊಳ್ಳುವುದಿಲ್ಲ ಎಂದು ಆರ್‌ಎಲ್‌ಎಸ್‌ಪಿ ಮುಖ್ಯಸ್ಥ ಉಪೇಂದ್ರ ಕುಶವಾಹ ಹೇಳಿದ್ದಾರೆ. 

2019ರ ಲೋಕಸಭಾ ಚುನಾವಣೆಗೆ ಸೀಟು ಹಂಚಿಕೆ ವಿಷಯದಲ್ಲಿ ಕುಶವಾಹ ಅವರಿಗೆ ಬಿಜೆಪಿ ಕೇಂದ್ರ ನಾಯಕತ್ವದ ವಿರುದ್ಧ ತೀವ್ರವಾದ ಅಸಮಾಧಾನವಿರುವುದೇ ಅವರ ಹೇಳಿಕೆಗೆ ಕಾರಣವಾಗಿದೆ. 

2019ರ ಲೋಕಸಭಾ ಚುನಾವಣೆಗೆ ಮಾಡಲಾಗಿರುವ ಸೀಟು ಹಂಚಿಕೆಯಿಂದ ಅಸಮಾಧಾನಗೊಂಡಿರುವ ಕುಶವಾಹ ಅವರು ಎನ್‌ಡಿಎ ಜತೆಗಿನ ತನ್ನ ಸಂಬಂಧವನ್ನು ಕಡಿದುಕೊಳ್ಳುವ ಚಿಂತನೆ ನಡೆಸುತ್ತಿದ್ದಾರೆ ಎಂದು ಮೂಲಗಳು ಹೇಳಿವೆ. 

ಬಿಹಾರ ಮೂಲದ ಕುಶವಾಹ ಅವರ ಆರ್‌ಎಲ್‌ಸಿಪಿ ಪಕ್ಷವು ತನ್ನ ನಾಯಕರೊಂದಿಗಿನ ಸಮಾಲೋಚನಾರ್ಥ  ಡಿ.12ರಂದು “ಚಿಂತನ್‌ ಶಿವಿರ್‌’ ನಡೆಸಲಿದೆ.