Advertisement

ಬೃಹತ್‌ ಗಜ ಮರುಸೃಷ್ಟಿ ಯತ್ನ

11:37 PM Sep 14, 2021 | Team Udayavani |

ವಾಷಿಂಗ್ಟನ್‌:  ಸುಮಾರು 11 ಸಾವಿರ ವರ್ಷಗಳ ಹಿಂದೆ, ಭೂಮಿಯಲ್ಲಿ ಜೀವಿಸುತ್ತಿದ್ದ ದೈತ್ಯಾಕಾರದ ಆನೆಗಳಾದ “ಮ್ಯಾಮತ್‌’ಗಳ ಮರುಸೃಷ್ಟಿಗೆ ಪ್ರಯತ್ನಗಳು ನಡೆದಿವೆ. ಅವುಗಳ ಜೀವನ ಕ್ರಮ ಹೇಗಿತ್ತು ಎಂಬುದನ್ನು ಈಗಿನ ಜನರಿಗೆ  ಮನವರಿಕೆ ಮಾಡಿಕೊಡುವ ಉದ್ದೇಶದಿಂದ, ಆನೆಗಳನ್ನು ಮರುಸೃಷ್ಟಿ ಮಾಡಲು ಹಾರ್ವರ್ಡ್‌ ಮೆಡಿಕಲ್‌ ಸ್ಕೂಲ್‌ನ ಪ್ರಾಧ್ಯಾ­ಪಕ ಜಾರ್ಜ್‌ ಚರ್ಚ್‌ ನೇತೃತ್ವದ ತಂಡ ಮುಂದಾಗಿದೆ. ಈ ಯೋಜನೆಗಾಗಿ, ಸಾರ್ವಜನಿಕ ದೇಣಿಗೆಯ ಮೂಲಕ 110 ಕೋಟಿ ರೂ.ಗಳನ್ನು ಸಂಗ್ರಹಿಸಲಾಗಿದೆ.

Advertisement

ಮರುಸೃಷ್ಟಿ ಹೇಗೆ?: ಏಷ್ಯಾದ ಆನೆಗಳ ಚರ್ಮದಿಂದ ಜೀವಾಣುಗಳನ್ನು ಸಂಗ್ರಹ ಮಾಡಿ, ಅದನ್ನು ಈಗಾಗಲೇ ಸಂಸ್ಕರಣ ಘಟಕಗಳಲ್ಲಿ ಸಂಗ್ರಹವಾಗಿರುವ ಮ್ಯಾಮತ್‌ನ ಡಿಎನ್‌ಎ ಜತೆಗೆ ಸಂಯೋಜಿಸಲಾಗುತ್ತದೆ. ಮ್ಯಾಮತ್‌ ಹೋಲುವ ಇತರ ಆನೆಗಳ ಸಂತತಿಯಿಂದ ಸಂಗ್ರಹಿಸಲಾದ ಜೀವಾಣು­ಗಳಿಂದ ಮ್ಯಾಮತ್‌ನ ಕೂದಲು, ಕೊಬ್ಬು ತುಂಬಿದ ಚರ್ಮಗಳನ್ನು ಸೃಷ್ಟಿಸುವ ಜಿನೋಮ್‌ಗಳನ್ನು ಸಂಗ್ರಹಿಸಿ, ಈ ಮೊದಲೇ ಸಂಯೋಜನೆಗೊಂಡ ಎರಡು ಡಿಎನ್‌ಎಗಳ ಮಿಶ್ರಣಕ್ಕೆ ಕಾಲಾ­ನುಕ್ರಮಕ್ಕೆ ಸೇರಿಸುತ್ತಾ, ಮ್ಯಾಮತ್‌ನ ಭ್ರೂಣವನ್ನು ಸೃಷ್ಟಿಸಿ, ಅದನ್ನು ಹೆಣ್ಣಾನೆ­ಯೊಂದರ ಗರ್ಭಾಶಯದಲ್ಲಿ ಸೇರಿಸಿ ಅಲ್ಲಿ ಅದನ್ನು ಬೆಳೆಸ­ಲಾಗುತ್ತದೆ. ಆ ಮೂಲಕ ಹೊಸ ಮ್ಯಾಮತ್‌ ಮರಿ­ಯಾನೆಯನ್ನು ಸೃಷ್ಟಿಸುವ ಉದ್ದೇಶ ವಿಜ್ಞಾನಿಗಳದ್ದು.

ಆರು ವರ್ಷದಲ್ಲಿ ಹೊಸ ಸಂತತಿ!: ಎಲ್ಲವೂ ಅಂದುಕೊಂಡಂತೆ ನಡೆದರೆ, ಈ ಪ್ರಯೋಗಗಳಲ್ಲಿ ಯಾವುದೇ ಅಡೆತಡೆ ಸೃಷ್ಟಿಯಾಗದೇ ಇದ್ದರೆ ಮುಂದಿನ ಆರು ವರ್ಷಗಳಲ್ಲಿ ನಿರ್ದಿಷ್ಟ ಸಂಖ್ಯೆಯಲ್ಲಿ ಮ್ಯಾಮತ್‌ ಮರಿಯಾನೆಗಳು ಈ ಭೂಮಿ ಮೇಲೆ ಜನ್ಮಿಸಲಿವೆ ಎಂಬ ಆಶಾಭಾವನೆಯನ್ನು ವಿಜ್ಞಾನಿಗಳು ವ್ಯಕ್ತಪಡಿಸಿದ್ದಾರೆ. ಅನಂತರ ಅದನ್ನು ಪ್ರಯೋಗಾಲಯದಲ್ಲೇ ನಿರ್ದಿಷ್ಟ ಹಂತದವರೆಗೆ ಬೆಳೆಸಲಾಗುತ್ತದೆ.

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next