ತೀರ್ಥಹಳ್ಳಿ: ಕಾಡಾನೆ ಆಗಮನ ಆತಂಕ ಬೇಡ; ಗೃಹ ಸಚಿವ ಆರಗ ಜ್ಞಾನೇಂದ್ರ

ತೀರ್ಥಹಳ್ಳಿ: ತಾಲೂಕಿನ ಕುರುವಳ್ಳಿಯಲ್ಲಿ ಆನೆ ಕಾಣಿಸಿಕೊಂಡ ಬಗ್ಗೆ ಇಂದು(ಡಿ.31) ಬೆಳಿಗ್ಗೆ ಸುದ್ದಿಯಾಗಿದ್ದು, ವಿಷಯ ತಿಳಿದ ತಕ್ಷಣ ಬೆಂಗಳೂರಿನಲ್ಲಿರುವ ಗೃಹ ಸಚಿವ ಆರಗ ಜ್ಞಾನೇಂದ್ರ ಜಿಲ್ಲಾ ಅರಣ್ಯ ಇಲಾಖೆ ಅಧಿಕಾರಿಗಳನ್ನು ಸಂಪರ್ಕಿಸಿ ಆನೆಯನ್ನು ಹಿಡಿಯಬೇಕು ಎಂದರು.

ಮುಂದುವರೆದು, ಇಲ್ಲವಾದಲ್ಲಿ ದೂರದ ಕಾಡಿಗೆ ಓಡಿಸಬೇಕು ಎಂದು ಸೂಚಿಸಿದರಲ್ಲದೇ ಹಿಡಿಯಲು ಬೇಕಾದ ಮಾವುತರು ತರಬೇತಿ ಪಡೆದ ಆನೆಗಳು ಬೇಕಾದಲ್ಲಿ ಬಳಿಸಿಕೊಂಡು ಸೂಕ್ತ ವ್ಯವಸ್ಥೆ ಮಾಡಿ ತಕ್ಷಣವೇ ಜನರಲ್ಲಿ ಇರುವ ಆತಂಕವನ್ನು ದೂರ ಮಾಡಬೇಕೆಂದು ಸೂಚಿಸಿದ್ದಾರೆ.

ಕೇಂದ್ರ ಗೃಹ ಸಚಿವ ಅಮಿತ್ ಷಾ ಕಾರ್ಯಕ್ರಮದಲ್ಲಿ ಇರುವ ಗೃಹ ಸಚಿವರು ಜ.1 ರ ಭಾನುವಾರ ಕ್ಷೇತ್ರಕ್ಕೆ ಆಗಮಿಸಲಿದ್ದು ಕ್ಷೇತ್ರದ ಜನರು ಕಾಡಾನೆ ಹಾವಳಿಯಿಂದ ಭಯಪಡುವ ಅಗತ್ಯತೆ ಇಲ್ಲ ಎಂದು ಪತ್ರಿಕೆಗೆ ಹೇಳಿಕೆ ನೀಡಿದ್ದಾರೆ