ಹಾಲು ಮಾರಿ ಹಣ ಗಳಿಸಿ: ಬಿಪ್ಲಬ್‌

ತ್ರಿಪುರ: ವಿದ್ಯಾವಂತ ಯುವ ಜನರು ಉದ್ಯೋಗಕ್ಕಾಗಿ ಸರಕಾರ ಮತ್ತು ರಾಜಕೀಯ ಪಕ್ಷಗಳ ಬೆನ್ನಿಗೆ ಬೀಳುವ ಬದಲು ಪಾನ್‌ ಅಂಗಡಿಯನ್ನೋ ಅಥವಾ ಹಸು ಸಾಕುವುದನ್ನೋ ಮಾಡಿ ಹಣ ಸಂಪಾದಿಸಬೇಕು. ಹೀಗೆಂದು ಹೇಳಿದ್ದು ತ್ರಿಪುರ ಸಿಎಂ ಬಿಪ್ಲಬ್‌ ದೇಬ್‌. ಎಲ್ಲಾ ಮನೆಗಳಲ್ಲೂ ಹಸು ಸಾಕಬೇಕು.

ಈಗ 1 ಲೀ. ಹಾಲಿಗೆ 50 ರೂ. ಇದೆ. ಯುವಕರು ಹತ್ತಾರು ವರ್ಷ ನಿರುದ್ಯೋಗಿಗಳಾಗಿ ಇರುವ ಬದಲು, ಹಾಲು ಮಾರಿ ಹಣ ಸಂಪಾದಿಸಿದ್ದರೆ, ಈ ವೇಳೆಗಾಗಲೇ ಅವರ ಬ್ಯಾಂಕ್‌ ಖಾತೆಯಲ್ಲಿ 10 ಲಕ್ಷ ರೂ. ಇರುತ್ತಿತ್ತು ಎಂದೂ ಅವರು ಹೇಳಿದ್ದಾರೆ. ತ್ರಿಪುರ ಪಶುವೈದ್ಯಕೀಯ ಮಂಡಳಿ ಆಯೋಜಿಸಿದ್ದ ಕಾರ್ಯಕ್ರಮದಲ್ಲಿ ಅವರು ಈ ಹೇಳಿಕೆ ನೀಡಿದ್ದು, ಭಾರೀ ಚರ್ಚೆಗೆ ಗ್ರಾಸವಾಗಿದೆ.