Advertisement
ಈಗ ರಾಜಸ್ಥಾನ್ ರಾಯಲ್ಸ್ ಪರ ಆಡುತ್ತಿರುವ ಚಾಹಲ್ ಯೂಟ್ಯೂಬರ್ ರಣವೀರ್ ಅಲ್ಲಾಬಾಡಿಯಾ ಅವರ ಪಾಡ್‌ಕಾಸ್ಟ್‌ನಲ್ಲಿ, ಎಂಟು ವರ್ಷಗಳ ಕಾಲ ಆರ್‌ಸಿಬಿ ತಂಡಕ್ಕಾಗಿ ಆಡಿದ ಬಳಿಕ 2022 ರ ಐಪಿಎಲ್ ಮೆಗಾ ಹರಾಜಿಗೆ ಮುಂಚಿತವಾಗಿ ತನ್ನನ್ನು ತಂಡದಲ್ಲಿ ಉಳಿಸಿಕೊಳ್ಳದಿದ್ದ ಕುರಿತು ತಮ್ಮ ಹತಾಶೆಯನ್ನು ತೆರೆದಿಟ್ಟರು. “ಖಂಡಿತವಾಗಿಯೂ ನನಗೆ ತುಂಬಾ ದುಃಖವಾಯಿತು. ನನ್ನ ಪಯಣ ಆರ್‌ಸಿಬಿಯಿಂದ ಆರಂಭವಾಯಿತು. ಅವರೊಂದಿಗೆ ಎಂಟು ವರ್ಷ ಕಳೆದೆ. ಆರ್‌ಸಿಬಿ ನನಗೆ ಅವಕಾಶ ನೀಡಿದೆ ಮತ್ತು ಅವರಿಂದಾಗಿ ನಾನು ಟೀಮ್ ಇಂಡಿಯಾ ಕ್ಯಾಪ್ ಪಡೆದುಕೊಂಡಿದ್ದೇನೆ” ಎಂದರು.
Related Articles
Advertisement
“ಮುಂದಿನ ವರ್ಷ ನಾವು ವಿಭಿನ್ನವಾಗಿ ಏನು ಮಾಡಬಹುದು ಎಂಬುದರ ಕುರಿತು ನಾವು ಮಾತನಾಡುತ್ತೇವೆ. ಉತ್ತಮವಾಗಿ ಆಡಿದ ನಂತರ ಸೋತಾಗ ಅದು ಕೆಟ್ಟದಾಗಿ ನೋಯಿಸುವುದಿಲ್ಲ. ಕೆಲವೊಂದನ್ನು ಪ್ರಯತ್ನಿಸಿದ ನಂತರವೂ ಕಳೆದುಕೊಳ್ಳಬೇಕಾಗುತ್ತದೆ , ಇನ್ನೊಂದು ಮೊದಲಿನಿಂದಲೂ ಸೋಲುತ್ತಲೇ ಇರುವುದು ಎಂದರು.
ವಿಶ್ವದ ಅತ್ಯಂತ ನೆಚ್ಚಿನ ಕ್ರೀಡಾ ಫ್ರಾಂಚೈಸಿಗಳಲ್ಲಿ ಒಂದಾದ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಸತತವಾಗಿ 16 ಸೀಸನ್‌ಗಳಲ್ಲಿ ಐಪಿಎಲ್ ಪ್ರಶಸ್ತಿಯನ್ನು ಗೆದ್ದಿಲ್ಲ. ಅಭಿಮಾನಿಗಳು ಪ್ರತಿ ವರ್ಷವೂ ಈ ಸಲ ಕಪ್ ನಮ್ಮದೇ ಎಂದು ಹೇಳಿಕೊಂಡರೂ ಹೆಚ್ಚಿನ ಋತುಗಳಲ್ಲಿ ಲೀಗ್‌ನಲ್ಲಿ ಅತ್ಯುತ್ತಮ ತಂಡಗಳಲ್ಲಿ ಒಂದಾಗಿದ್ದರೂ ಫ್ರಾಂಚೈಸಿಗೆ ಟ್ರೋಫಿಯನ್ನು ಪಡೆಯಲು ಸಾಧ್ಯವಾಗಿಲ್ಲ.