Advertisement
ಆದರೆ ಧೋನಿ ಕುಟುಂಬದ ಸದಸ್ಯರು ಈ ಟೆಸ್ಟ್‌ ಪಂದ್ಯದ ವೇಳೆ ಉಪಸ್ಥಿತರಿರುವರು ಎಂಬುದಾಗಿ ತಿಳಿದು ಬಂದಿದೆ. ಇವ ರಿಗೆ ಈಗಾಗಲೇ ರಾಜ್ಯ ಕ್ರಿಕೆಟ್‌ ಮಂಡಳಿ ಆಹ್ವಾನ ನೀಡಿದೆ.”ರಾಂಚಿಯಲ್ಲಿ ಟೆಸ್ಟ್‌ ನಡೆಯುವಂತಾಗಲು ಧೋನಿಯೇ ಕಾರಣ. ಅವರಿಂದಾಗಿಯೇ ವಿಶ್ವ ಭೂಪಟದಲ್ಲಿ ರಾಂಚಿ ರಾರಾಜಿಸಿದೆ. ಆದರೆ ಇಲ್ಲಿ ಚೊಚ್ಚಲ ಟೆಸ್ಟ್‌ ನಡೆಯುವ ಈ ಐತಿಹಾಸಿಕ ಗಳಿಗೆಯಲ್ಲಿ ಅವರ ಗೈರು ಎದ್ದುಕಾಣುತ್ತಿದೆ. ಏನೇ ಇರಲಿ, ರಾಂಚಿ ಟೀಮ್‌ ಇಂಡಿಯಾ ಪಾಲಿಗೆ ಅದೃಷ್ಟ ತರಲಿ…’ ಎಂದವರು ಧೋನಿಯ ಬಾಲ್ಯದ ಕೋಚ್‌ ಕೇಶವ ಬ್ಯಾನರ್ಜಿ.
ಧೋನಿ ಕಲಿತ “ಜವಾಹರ್‌ ವಿದ್ಯಾ ಮಂದಿರ್‌’ ಶಾಲೆಯ ವಿದ್ಯಾರ್ಥಿಗಳೂ ಸೇರಿದಂತೆ ರಾಂಚಿ ಟೆಸ್ಟ್‌ ಪಂದ್ಯದ ವೇಳೆ ವಿದ್ಯಾರ್ಥಿಗಳಿಗೆ ಉಚಿತ ಪ್ರವೇಶ ನೀಡಲು ಜೆಎಸ್‌ಸಿಎ ನಿರ್ಧರಿಸಿದೆ. ದಿನಂಪ್ರತಿ 10 ಸಾವಿರ ವಿದ್ಯಾರ್ಥಿಗಳು ಈ ಪಂದ್ಯಕ್ಕೆ ಸಾಕ್ಷಿಯಾಗಲಿದ್ದಾರೆ ಎಂದು ರಾಜ್ಯ ಕ್ರಿಕೆಟ್‌ ಮಂಡಳಿ ಕಾರ್ಯದರ್ಶಿ ದೇಬಶಿಷ್‌ ಚಕ್ರವರ್ತಿ ಹೇಳಿದ್ದಾರೆ.ರಾಂಚಿ ಸ್ಟೇಡಿಯಂ 40 ಸಾವಿರ ವೀಕ್ಷಕರ ಸಾಮರ್ಥ್ಯ ಹೊಂದಿದ್ದು, ಪ್ರತಿ ದಿನ 30 ಸಾವಿರ ಮಂದಿ ಜಮಾಯಿಸುವ ನಿರೀಕ್ಷೆ ಇರಿಸಿಕೊಳ್ಳಲಾಗಿದೆ.