ವಿರಾಟ್‌ ಕೊಹ್ಲಿಗೆ ಸರಿಸಾಟಿ ಯಾರು?

ವಿರಾಟ್‌ ಕೊಹ್ಲಿ ಸ್ಫೋಟಕ ಬ್ಯಾಟ್ಸ್‌ಮನ್‌. ನೆಲಕಚ್ಚಿ ನಿಂತದ್ದೇ ಆದರೆ ಬೌಲರ್‌ಗಳು ದಂಡಿಸಿಕೊಳ್ಳುವುದು ಖಚಿತ. ಬೌಂಡರಿ, ಸಿಕ್ಸರ್‌ಗಳ ಸುರಿಮಳೆ ಸುರಿಸುವುದರಲ್ಲಿ ಕೊಹ್ಲಿ ನಿಸ್ಸೀಮ. ವಿಶ್ವದ ಯಾವುದೇ ಬೌಲರ್‌ಗಳನ್ನೂ ಕೊಹ್ಲಿ ಸುಮ್ಮನೆ ಬಿಟ್ಟಿದ್ದಿಲ್ಲ. ಹೆಚ್ಚಿನವರಿಗೆ ಬಿರುಸಿನ ಬ್ಯಾಟಿಂಗ್‌ನಿಂದಲೇ ಉತ್ತರಿಸಿದ್ದಾರೆ.

ಸದ್ಯ ವೆಸ್ಟ್‌ ಇಂಡೀಸ್‌ ವಿರುದ್ಧ ಮೊದಲ ಟಿ20 ಪಂದ್ಯದಲ್ಲಿ ಭಾರತದ ನಾಯಕ ಕೊಹ್ಲಿ ಕೇವಲ 50 ಎಸೆತ ಎದುರಿಸಿ ಅಜೇಯ 94 ರನ್‌ ಬಾರಿಸಿದರು. ಕೊಹ್ಲಿ ಬ್ಯಾಟಿಂಗ್‌ನಲ್ಲಿ ಅಗಾಧ ತಾಕತ್ತು ಇತ್ತು. ಅವರ ಇನಿಂಗ್ಸ್‌ನಿಂದ ಕ್ರಮವಾಗಿ 6 ಬೌಂಡರಿ, 6 ಸಿಕ್ಸರ್‌ ಸಿಡಿದಿತ್ತು. ಮೊದಲು ಬ್ಯಾಟಿಂಗ್‌ ನಡೆಸಿದ್ದ ವೆಸ್ಟ್‌ ಇಂಡೀಸ್‌ 20 ಓವರ್‌ಗೆ 5 ವಿಕೆಟ್‌ಗೆ 207 ರನ್‌ಗಳಿಸಿತ್ತು. ಈ ಪ್ರಚಂಡ ಗುರಿಯನ್ನು ವಿರಾಟ್‌ ಕೊಹ್ಲಿ ಬಿರುಗಾಳಿ ಬ್ಯಾಟಿಂಗ್‌ನಿಂದ ಸಲೀಸಾಗಿ ಬೆನ್ನಟ್ಟಿ ಭಾರತ ಗೆದ್ದಿತು ಎನ್ನುವುದು ವಿಶೇಷ.

2ನೇ ಟಿ20ಯಲ್ಲಿ ಕೊಹ್ಲಿ ಬ್ಯಾಟಿಂಗ್‌ ಪರಾಕ್ರಮ
1-10 ಎಸೆತ-7 ರನ್‌
11-20 ಎಸೆತ-13 ರನ್‌
21-30 ಎಸೆತ-19 ರನ್‌
31-40 ಎಸೆತ-28 ರನ್‌
41-50 ಎಸೆತ-27 ರನ್‌