ಬಿಳಿ ಅಕ್ಕಿ ರಫ್ತಿಗೆ ಕೇಂದ್ರ ಸರ್ಕಾರದಿಂದ ನಿಷೇಧ: ಖುಲಾಯಿಸಿದ ಪಾಕ್‌ ಅದೃಷ್ಟ

ಕರಾಚಿ: ಭಾರತದಲ್ಲಿ ದೇಶೀಯವಾಗಿ ಅಕ್ಕಿಬೆಲೆಯನ್ನು ನಿಯಂತ್ರಿಸಲು ಕೇಂದ್ರ ಸರ್ಕಾರ, ಬಾಸುಮತಿಯೇತರ ಬಿಳಿ ಅಕ್ಕಿ ರಫ್ತಿಗೆ ನಿಷೇಧ ಹೇರಿದೆ. ಇದರಿಂದ ಪಾಕ್‌ ಅದೃಷ್ಟ ಖುಲಾಯಿಸಿದೆ. ಭಾರತದ ರಫ್ತಿನಲ್ಲಿ ಬಾಸುಮತಿಯೇತರ ಬಿಳಿ ಅಕ್ಕಿ ಪ್ರಮಾಣ ಶೇ.25ರಷ್ಟಿತ್ತು. ಇದೀಗ ವಿವಿಧ ದೇಶಗಳು ಪಾಕಿಸ್ತಾನದತ್ತ ಮುಖ ಮಾಡಿವೆ.

ಈ ಬಗ್ಗೆ ಹೇಳಿಕೆ ನೀಡಿರುವ ಪಾಕ್‌ ಅಕ್ಕಿ ರಫ್ತುದಾರರ ಸಂಘದ ಮುಖ್ಯಸ್ಥ ಚೇಲಾ ರಾಮ್‌ ಕೇವ್ಲಾನಿ, ಭಾರತ ನಿಷೇಧ ಹೇರಿದ ನಂತರ ಪಾಕಿಸ್ತಾನಿ ಅಕ್ಕಿಗೆ ಜಾಗತಿಕವಾಗಿ ಭಾರೀ ಬೇಡಿಕೆ ಬಂದಿದೆ. ಅಂತಾರಾಷ್ಟ್ರೀಯ ಗ್ರಾಹಕರು ಈಗ ಪಾಕ್‌ನತ್ತ ಮುಖ ಮಾಡಿದ್ದಾರೆ, ಈ ವರ್ಷ ಪಾಕ್‌ 3 ಬಿಲಿಯನ್‌ ಡಾಲರ್‌ ಮೌಲ್ಯದ ಅಕ್ಕಿ ರಫ್ತು ಮಾಡುವ ಸಾಧ್ಯತೆಗಳಿವೆ. ಬಾಸುಮತಿ ಅಕ್ಕಿ ಬೆಲೆ ಒಂದು ಟನ್‌ಗೆ 100 ಡಾಲರ್‌ ಹೆಚ್ಚಿದೆ ಎಂಬ ಮಾಹಿತಿಯನ್ನೂ ನೀಡಿದ್ದಾರೆ.