ಬಿಳಿ ಈರುಳ್ಳಿಗೆ ಭೌಗೋಳಿಕ ಮಾನ್ಯತೆ

ಮುಂಬೈ: ಮಹಾರಾಷ್ಟ್ರದ ರಾಯ್‌ಗಢ ಜಿಲ್ಲೆಯ ಅಲೀಬಾಗ್‌ನ ಬಿಳಿ ಈರುಳ್ಳಿಗೆ ಭೌಗೋಳಿಕ ಮಾನ್ಯತೆ (ಜಿಐ) ನೀಡಲಾಗಿದೆ. ಬಿಳಿ ಈರುಳ್ಳಿಗಿರುವ ವಿಶೇಷ ಗುಣಗಳನ್ನು ಗುರುತಿಸಿ ಮಾನ್ಯತೆ ಕೊಡಲಾಗಿದೆ.

ಬಿಳಿ ಈರುಳ್ಳಿಗೆ ಭೌಗೋಳಿಕ ಮಾನ್ಯತೆ ನೀಡಬೇಕೆಂದು ಕೋರಿ ಅಲೀಬಾಗ್‌ನ ಕೃಷಿ ಇಲಾಖೆ ಹಾಗೂ ಕೊಂಕಣ್‌ ಕೃಷಿ ವಿಶ್ವವಿದ್ಯಾಲಯವು ಜಂಟಿಯಾಗಿ 2019ರ ಜನವರಿ 15ರಂದು ಅರ್ಜಿಯಲ್ಲಿ ಸಲ್ಲಿಸಿದ್ದವು. ಈ ಅರ್ಜಿಯನ್ನು ಮುಂಬೈನ ಪೇಟೆಂಟ್‌ ನೋಂದಣಿ ಕಚೇರಿ  ಸೆ.29ರಂದು ಕೂಲಂಕುಷವಾಗಿ ಪರಿಶೀಲಿಸಿದೆ. ನಂತರ ಮಾನ್ಯತೆ ನೀಡಲು ನಿರ್ಧರಿಸಿದೆ.

ಇದನ್ನೂ ಓದಿ:ಅ.7, 8ರಂದು ಕಾಂಗ್ರೆಸ್‌ ಅಭ್ಯರ್ಥಿಗಳಿಂದ ನಾಮಪತ್ರ ಸಲ್ಲಿಕೆ: ಡಿಕೆಶಿ

ಬಿಳಿ ಈರುಳ್ಳಿಯು ಅನೇಕ ಔಷಧೀಯ ಗುಣಗಳನ್ನು ಹೊಂದಿದೆ. ಹೃದಯ ಸಂಬಂಧಿ ಕಾಯಿಲೆ ನಿಯಂತ್ರಣಕ್ಕೆ, ಕೊಲೆಸ್ಟ್ರಾಲ್‌ ಸಂಬಂಧಿತ ಸಮಸ್ಯೆಗೆ ಕಡಿಮೆಯಾಗಿಸಲು ಹಾಗೂ ದೇಹದಲ್ಲಿ ಇನ್ಸುಲಿನ್‌ ಉತ್ಪಾದನೆಗೆ ಪೂರಕವಾಗಿದೆ.