ವಾಟ್ಸ್ಆ್ಯಪ್‌ ನಲ್ಲಿ ಬರಲಿದೆ ಬೂಮರಾಂಗ್

ಈಗಾಗಲೇ ಇನ್‌ಸ್ಟಾಗ್ರಾಂನಲ್ಲಿ ಫೇಮಸ್ ಆಗಿರುವ ಬೂಮರಾಂಗ್ ವೀಡಿಯೋಗಳು ಇನ್ನು ಹೆಸರಾಂತ ಸಾಮಾಜಿಕ ಜಾಲತಾಣ ವಾಟ್ಸ್ಆ್ಯಪ್‌ ನಲ್ಲಿ ಕಾಣಿಸಿಕೊಳ್ಳಲಿದೆ.

ಈ ಬೂಮರಾಂಗ್ ಆಯ್ಕೆಯನ್ನು ಈಗ ವಾಟ್ಸ್ಆ್ಯಪ್ ಸಂಸ್ಥೆ ಅಭಿವೃದ್ಧಿಪಡಿಸುತ್ತಿದ್ದು, ಮುಂದಿನ ತಿಂಗಳುಗಳಲ್ಲಿ ನಿಮ್ಮ ಸ್ಮಾರ್ಟ್ ಫೋನ್ ಗಳಲ್ಲಿ ಕಾಣಿಸಿಕೊಳ್ಳಲಿದೆ. ಈಗಾಗಲೇ ಇದರ ಸಾಧಕ ಬಾಧಕಗಳನ್ನು ಅಧ್ಯಯನ ಮಾಡಲಾಗಿದ್ದು, ಈ ನೂತನ ಪೀಚರ್ ಅನ್ನು ಅಭಿವೃದ್ಧಿ ಪಡಿಸುವ ಕಾರ್ಯ ನಡೆಯುತ್ತಿದೆ ಎಂದು WABetaInfo ಸಂಸ್ಥೆ ಹೇಳಿದೆ.

ವಾಟ್ಸ್ಆ್ಯಪ್‌ ನಲ್ಲಿ ನಾವು ವಿಡಿಯೋ ಚಿತ್ರೀಕರಿಸುವ ಮೆನುವಿನಲ್ಲಿ ಈ ಹೊಸ ಫೀಚರ್ ಇರಲಿದೆ. ನಾವು ಚಿತ್ರೀಕರಿಸುವ ವೀಡಿಯೋ 7 ಸೆಕೆಂಡ್‌ಗಳಿಗಿಂತ ಕಡಿಮೆ ಇರಬೇಕಾಗಿದೆ. ಬಳಿಕ ನಾವು ಅದನ್ನು GIF ಮಾದರಿಗೂ ಬದಲಾಯಿಸಬಹುದಾಗಿದೆ. ಈಗಾಗಲೇ ಇನ್‌ಸ್ಟಾಗ್ರಾಂನಲ್ಲಿ ಇರುವಂತೆ ನಾವು ಚಿತ್ರೀಕರಿಸಿದ ಬೂಮರ್ಗ್ ಅನ್ನು ನಮ್ಮ ಸ್ನೇಹಿತರಿಗೆ ಕಳುಹಿಸಬಹುದಾಗಿದ್ದು, ಜತೆಗೆ ಸ್ಟೇಟಸ್ ಹಾಕಬಹುದಾಗಿದೆ.
ಈ ನೂತನ ಫೀಚರ್ ಜತೆಗೆ ನಮಗೆ ಬರುವ ಮೆಸೇಜ್‌ಗಳು ಪಾರ್ವಡೆಡ್ ಆಗಿದ್ದರೆ ಅದು ಎಷ್ಟು ಬಾರಿ ಪಾರ್ವಡ್ ಆಗಿದೆ ಎಂಬುದನ್ನು ನಾವು ತಿಳಿದುಕೊಳ್ಳಬಹುದಾಗಿದೆ. ಬಂದಿರುವ ಮೆಸೇಜ್ ಮೇಲೆ “ಡಬಲ್ ಟ್ಯಾಪ್’ ಮಾಡಿದರೆ ಪಾರ್ವಡ್ ಮಾಡಲಾದ ಸಂಖ್ಯೆ ಕಾಣಲಿದೆ. ಈ ಎರಡು ನೂತನ ಪೀಚರ್‌ ಗಳು ಯಾವಾಗ ಬಿಡುಗಡೆಯಾಗಲಿದೆ ಎಂಬುದರ ಕುರಿತು ನಿಖರ ಮಾಹಿತಿಗಳು ಇನ್ನಷ್ಟೇ ಬಹಿರಂಗಗೊಳ್ಳಬೇಕಿದೆ.