ವೈರಲ್‌ ಆಯಿತು 1990ರ ಮದುವೆ ಔತಣ ಕೂಟದ ಆಮಂತ್ರಣ

ಕೋಲ್ಕತಾ: ಈಗಂತೂ ಅದ್ದೂರಿ ಮದುವೆಗಳ ಕಾಲ. ಆದರೆ, ಕೊರೊನಾದಿಂದಾಗಿ ಎಲ್ಲ ರೀತಿಯ ವೈಭವ ಪ್ರದರ್ಶನಕ್ಕೆ ಬ್ರೇಕ್‌ ನೀಡಿದೆ. ಸಾದ್‌ ಮಾಂದಲೋರಿಯನ್‌ ಎಂಬವರು ಟ್ವಿಟರ್‌ನಲ್ಲಿ ಅಪ್‌ಲೋಡ್‌ ಮಾಡಿದ 1990ರ ಮದುವೆ ಔತಣ ಕೂಟದ ಆಮಂತ್ರಣ ಈಗ ವೈರಲ್‌ ಆಗಿದೆ. ಅದು ಅವರ ಸಂಬಂಧಿಕರೊಬ್ಬರದ್ದು ಎಂದು ಬರೆದುಕೊಂಡಿದ್ದಾರೆ.

ಸರಳವಾಗಿ ಇದ್ದ ಈ ಆಮಂತ್ರಣ ಪತ್ರಿಕೆಗೆ ಟ್ವಿಟರ್‌ನಲ್ಲಿ ಮೆಚ್ಚುಗೆ ಸುರಿಮಳೆಯೇ ಆಗಿದೆ. ಹಲವು ವರ್ಷಗಳ ಹಿಂದಿನ ಮದುವೆಗಳಲ್ಲಿ ಆಡಂಬರ ಪ್ರದರ್ಶನಕ್ಕೆ ಕಡಿಮೆ ಆದ್ಯತೆ ನೀಡಲಾಗುತ್ತಿತ್ತು. ಸಾಂಪ್ರದಾ ಯಿಕತೆ ಎದ್ದು ಕಾಣುತ್ತಿತ್ತು. ಈಗ ಅದು ಮಾಯವಾಗಿದೆ ಎಂದು ಹಲವರು ಬರೆದುಕೊಂಡಿದ್ದಾರೆ.

“ನಾನು ಈ ಮೆನು ಕಾರ್ಡ್‌ ಅನ್ನು ಬಹಳಷ್ಟು ಮೆಚ್ಚುತ್ತೇನೆ’ ಎಂದು ಒಬ್ಬರು ಬರೆದುಕೊಂಡಿದ್ದರೆ, ಬಾಬ್‌ ಎಂಬವರು ಚಿಲ್ಲಿ ಫಿಶ್‌, ಫ್ರೈಡ್‌ ರೈಸ್‌ ವಾವ್‌ ಎಂದು ಬಾಯಿ ಚಪ್ಪರಿಸಿದ್ದಾರೆ.