Advertisement
ವೈಜ್ಞಾನಿಕ ಆಧಾರವಿಲ್ಲಅಮೆರಿಕದ ಸಿಡಿಸಿ ಸಿದ್ಧಾಂತಕ್ಕೆ ವಿಜ್ಞಾನಲೋಕದ ಬೆಂಬಲವಿಲ್ಲ. ಯಾವುದೇ ದೇಶದ ಶೇ. 70ರಷ್ಟು ಜನಸಂಖ್ಯೆಗೆ ಲಸಿಕೆ ಪೂರ್ಣಪ್ರಮಾಣದಲ್ಲಿ ದೊರತರೆ ಮಾತ್ರ ಆ ದೇಶದಲ್ಲಿ ತಕ್ಕಮಟ್ಟಿಗಿನ ರೋಗ ನಿರೋಧಕತೆ ಸೃಷ್ಟಿಯಾಗಿದೆ ಎಂದರ್ಥ. ಅಷ್ಟಾಗುವ ಮೊದಲೇ ಕೊರೊನಾ ನಿಬಂಧನೆಗಳನ್ನು ಸಡಿಲಿಸುವುದು ಸರಿಯಲ್ಲ. ಭಾರತದಲ್ಲಂತೂ ಹಾಗೆ ಮಾಡಲು ಸಾಧ್ಯವೇ ಇಲ್ಲ ಎಂದು ಭಾರತೀಯ ವೈದ್ಯಕೀಯ ಸಂಸ್ಥೆಯ (ಐಎಂಸಿ) ಡಾ| ಜೆ.ಎ. ಜಯಲಾಲ್‌ ಹೇಳಿದ್ದಾರೆ.
ಕೊರೊನಾ ವೈರಾಣುಗಳು ವೇಗವಾಗಿ ರೂಪಾಂತರಗೊಳ್ಳುತ್ತಿವೆ. ಹಾಲಿ ಲಸಿಕೆಗಳು ಹೊಸ ಪೀಳಿಗೆಯ ವೈರಾಣುಗಳನ್ನು ಎದುರಿಸುವಲ್ಲಿ ಶಕ್ತಿಶಾಲಿಯಲ್ಲ. ಹಾಗಾಗಿ, ಎರಡು ಡೋಸ್‌ ಲಸಿಕೆ ಪಡೆದವರೂ ಸೇಫ್ ಆಗಿ ಇರಲೇಬೇಕು ಎಂದು ದಿಲ್ಲಿಯ ಗಂಗಾರಾಮ್‌ ಆಸ್ಪತ್ರೆಯ ಡಾ| ಚಾಂದ್‌ ವಟ್ಟಾಲ್‌ ತಿಳಿಸಿದ್ದಾರೆ. ಜನಸಂಖ್ಯೆ ಹಾಗೂ ಲಸಿಕೆ ಅಭಿಯಾನ ವಿಚಾರದಲ್ಲಿ ಭಾರತ- ಅಮೆರಿಕದ ಪರಿಸ್ಥಿತಿ ಪರಸ್ಪರ ವಿಭಿನ್ನ. ನಮ್ಮಲ್ಲಿ ಅಮೆರಿಕದ ಹಾಗೆ ನಿಬಂಧನೆ ತೆರವುಗೊಳಿಸಲು ಸಾಧ್ಯವೇ ಇಲ್ಲ ಎಂದು ಹೇಳಿದ್ದಾರೆ. ಆರೋಗ್ಯ ಸಚಿವಾಲಯ ಏನು ಹೇಳುತ್ತದೆ?
ಕೇಸ್‌ಗಳು ತಕ್ಕಮಟ್ಟಿಗೆ ಇಳಿದಿವೆಯಾದರೂ ಸಂಪೂರ್ಣವಾಗಿ ನಿಂತಿಲ್ಲ. ಹಾಗಾಗಿ, ಕೊರೊನಾ ನಿಬಂಧನೆಗಳನ್ನು ಸಡಿಲ ಮಾಡುವಂತೆಯೇ ಇಲ್ಲ ಎಂದು ಕೇಂದ್ರ ಆರೋಗ್ಯ ಇಲಾಖೆಗೆ ತಜ್ಞರ ಸಲಹಾ ಸಮಿತಿ ಈಗಾಗಲೇ ಶಿಫಾರಸು ಮಾಡಿದೆ. ಸಮಿ ತಿಯ ಸದಸ್ಯರೊಬ್ಬರಾದ ಏಮ್ಸ್‌ ನಿರ್ದೇಶಕ ಡಾ| ಗುಲೇರಿಯಾ, ಕೊರೊನಾ ವೈರಾಣುವಿನ ಹೊಸ ಪೀಳಿಕೆಯ ವೈರಾಣುಗಳು ಬಹುಬೇಗನೇ ರೂಪಾಂತರಗೊಳ್ಳುತ್ತಿದೆ. ಹಾಗಾಗಿ ನಿಯಮ ಹಿಂಪಡೆದರೆ ಅಪಾಯ ಎಂದಿದ್ದಾರೆ.