ಚಾವಡಿಕಟ್ಟೆಯಲ್ಲಿ ಶಸ್ತ್ರ ಪೂಜೆ 

ಸೋಮವಾರಪೇಟೆ: ಕೂತಿನಾಡು ಸಬ್ಬಮ್ಮದೇವಿಯ ಸುಗ್ಗಿ ಎಂದೇ ಖ್ಯಾತಿ ಪಡೆದಿರುವ ನಗರಳ್ಳಿ ಸುಗ್ಗಿ ಉತ್ಸವವವು ಎ.17ರಂದು ನಡೆಯಲಿದ್ದು, ಸುಗ್ಗಿಯ ಆಚರಣೆಗೆ ಸಂಬಂಧಿಸಿದಂತೆ ದೇವಿಯ ತವರೂರಾದ ಕೂತಿ ಗ್ರಾಮದ ಚಾವಡಿಕಟ್ಟೆಯಲ್ಲಿ ಶಸ್ತ್ರ ಪೂಜೆ ನಡೆಯಿತು.

ನಗರಳ್ಳಿ ಸುಗ್ಗಿ ವ್ಯಾಪ್ತಿಗೊಳಪಡುವ ಮನೆಗಳಲ್ಲಿನ ಕೋವಿಗಳನ್ನು ಕೂತಿ ಗ್ರಾಮಕ್ಕೆ ತಂದು ಚಾವಡಿಕಟ್ಟೆಯ ಮೇಲಿಟ್ಟು ಸಾಮೂಹಿಕ ಪೂಜೆ ನೆರವೇರಿಸಿ, ನಂತರದಲ್ಲಿ ದೇವರ ಕಟ್ಟೆಗೆ ಪ್ರದಕ್ಷಿಣೆ ಬಂದ ಬಳಿಕ ತೆಂಗಿನಕಾಯಿಗೆ ಗುಂಡು ಹೊಡೆಯುವ ಮೂಲಕ ಸುಗ್ಗಿ ಹಬ್ಬದಾಚರಣೆಗೆ ಚಾಲನೆ ನೀಡಲಾಯಿತು. ಈ ಸಂದರ್ಭ ಸುಗ್ಗಿ ಆಚರಣಾ ಸಮಿತಿ ಅಧ್ಯಕ್ಷ ಕೆ.ಟಿ. ಜೋಯಪ್ಪ, ಕೂತಿ ಗ್ರಾಮಾಧ್ಯಕ್ಷ ಡಿ.ಎ. ಪರಮೇಶ್‌, ಅರ್ಚಕ ಅನಂತರಾಮ್‌ ಹಾಗೂ ಗ್ರಾಮದ ಪ್ರಮುಖರುಹಾಜರಿದ್ದರು.