ವಾರಾಣಸಿಯಲ್ಲಿ ವಾಚ್‌ಮನ್‌ನಿಂದ ಫ್ರೆಂಚ್‌ ಮಹಿಳೆ ಮೇಲೆ ಅತ್ಯಾಚಾರ

ವಾರಾಣಸಿ : ಇಲ್ಲಿನ ಬಾಡಿಗೆ ಕಟ್ಟಡವೊಂದರ ಕೋಣೆಯಲ್ಲಿ  ಕಳೆದ ಒಂದು ವರ್ಷದಿಂದ ವಾಸವಾಗಿದ್ದ 65ರ ಫ್ರೆಂಚ್‌ ಸಮಾಜಸೇವಾ ಕಾರ್ಯಕರ್ತೆಯನ್ನು ಕಟ್ಟಡದ ವಾಚ್‌ಮನ್‌ ರೇಪ್‌ ಮಾಡಿದ್ದಾನೆ.

ಅತ್ಯಾಚಾರಿ ವಾಚ್‌ ಮನ್‌ ಓಂ ಪ್ರಕಾಶ್‌ ಎಂಬಾತನನ್ನು ಮಿರ್ಜಾಪುರ ಜಿಲ್ಲೆಯಲ್ಲಿನ ಆತನ ಸಹೋದರನ ಮನೆಯಿಂದ ಬಂಧಿಸಲಾಗಿದೆ. 

ಶೂಲತಾನಕೇಶ್ವರ ಪ್ರದೇಶದಲ್ಲಿ ರೇಪ್‌ ಸಂತ್ರಸ್ತೆಯು ವಾಸವಾಗಿದ್ದ ಕಟ್ಟಡದಲ್ಲಿ ಕೆಲಸ ಮಾಡಿಕೊಂಡಿದ್ದ ವಾಚ್‌ ಮನ್‌ ಓಂ ಪ್ರಕಾಶ್‌, ಬುಧವಾರ ರಾತ್ರಿ ಫ್ರೆಂಚ್‌ ಮಹಿಳೆಯು ಮಲಗಿಕೊಂಡಿದ್ದಾಗ ಆಕೆಯ ಕೋಣೆಯನ್ನು ಮೆಲ್ಲಗೆ ಪ್ರವೇಶಿಸಿದ ಆತ ಆಕೆಯ ಮೇಲೆ ಬಲವಂತದಿಂದ ರೇಪ್‌ ಎಸಗಿದ್ದಾನೆ; ಆಕೆ ಪ್ರತಿರೋಧಿಸಿದಾಗ ಆಕೆಯ ಮೇಲೆ ಹಲ್ಲೆ ಮಾಡಿದ್ದಾನೆ. ಅತ್ಯಾಚಾರದ ಬಳಿಕ ಅಲ್ಲಿಂದ ಪರಾರಿಯಾಗಿದ್ದಾನೆ.

ಕಳೆದ ಹತ್ತು ವರ್ಷಗಳಿಂದ ವಾರಾಣಸಿಗೆ ಕ್ರಮಬದ್ಧವಾಗಿ ಭೇಟಿ ನೀಡುತ್ತಿರುವ ಫ್ರೆಂಚ್‌ ಮಹಿಳೆಯು ಇಲ್ಲಿನ ಆಸ್ಪತ್ರೆಯೊಂದರಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಳು; ಆಕೆಯ ಆರೋಗ್ಯ ಚೆನ್ನಾಗಿಯೇ ಇತ್ತು.

ರೇಪ್‌ಗೆ ಗುರಿಯಾದ ಫ್ರೆಂಚ್‌ ಮಹಿಳೆಯನ್ನು ಪೊಲೀಸರು ವೈದ್ಯಕೀಯ ಪರೀಕ್ಷೆಗೆ ಕಳುಹಿಸಿದ್ದಾರೆ. ಪ್ರಕರಣದ ಕೇಸು ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ.