ಕಿವಿಯಲ್ಲಿ ಪೀಪಿ ಊದುವ ಶಿಕ್ಷೆ ಕೊಟ್ಟ ಪೊಲೀಸರು! ವಿಡಿಯೋ ವೈರಲ್

ಕೆಲವು ಕಿಡಿಗೇಡಿಗಳು ಜೋರು ಸದ್ದು ಮಾಡುವ ಪೀಪಿಗಳನ್ನು ಹಿಡಿದುಕೊಂಡು ರಸ್ತೆಯಲ್ಲೆಲ್ಲ ಸದ್ದು ಮಾಡಿಕೊಂಡು ಬೈಕ್‌ ಚಲಾಯಿಸುವುದನ್ನು ನೀವೂ ನೋಡಿರಬಹುದು. ಈ ರೀತಿ ಮಾಡಿದ ಕಿಡಿಗೇಡಿಗಳಿಗೆ ಮಧ್ಯಪ್ರದೇಶದ ಪೊಲೀಸರು ಕೊಟ್ಟ ಶಿಕ್ಷೆ ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ಸದ್ದು ಮಾಡಿದೆ.

ಕಿಡಿಗೇಡಿಗಳು ಊದುತ್ತಿದ್ದ ಪೀಪಿಯನ್ನೇ ಕಸಿದುಕೊಂಡ ಪೊಲೀಸರು ಅದನ್ನು ಅವರ ಕಿವಿಗೆ ತಾಗಿಸಿಟ್ಟು ಊದಿಸಿದ್ದಾರೆ.

ಹಾಗೆಯೇ ಇನ್ನೊಬ್ಬ ಕಿಡಿಗೇಡಿಯಿಂದ ಮತ್ತೊಬ್ಬನಿಗೆ ಶಬ್ದದ ಶಿಕ್ಷೆ ನೀಡಲಾಗಿದೆ. “ಅವರ ದಾರಿಯಲ್ಲೇ ಹೋಗಿ ಶಿಕ್ಷೆ ಕೊಟ್ಟರೆ ಅವರಿಗೆ ಅರ್ಥವಾಗುತ್ತದೆ’ ಎನ್ನಲಾರಂಭಿಸಿದ್ದಾರೆ ನೆಟ್ಟಿಗರು.