Waqf board ರಿಯಲ್‌ ಎಸ್ಟೇಟ್‌ ಸಂಸ್ಥೆ ಇದ್ದಂತೆ: ಒವೈಸಿಗೆ ಟಿಟಿಡಿ ಟಾಂಗ್‌

ಹೊಸದಿಲ್ಲಿ: ವಕ್ಫ್ ಬೋರ್ಡ್‌ ರಿಯಲ್‌ ಎಸ್ಟೇಟ್‌ ಕಂಪನಿಯಾಗಿದ್ದರೆ, ತಿರುಮಲವು ದೇವಸ್ಥಾನವಾಗಿದೆ. ಈ 2 ಆಡಳಿತ ಮಂಡಳಿ ಬಗ್ಗೆ ಹೋಲಿಸುವುದೇ ಆಧಾರರಹಿತ. ಹಿಂದೂಯೇತರರು ತಿರುಮಲದಲ್ಲಿ ಇರಬಾರದೆಂಬ ಬೇಡಿಕೆ ಹಲವು ವರ್ಷಗಳಿಂದ ಇದೆ. ಇದು ನನ್ನ ವೈಯಕ್ತಿಕ ಅಭಿಪ್ರಾಯವಲ್ಲ ಎಂದು ತಿರುಮಲ ತಿರುಪತಿ ದೇವಸ್ಥಾನಮ್‌ (ಟಿಟಿಡಿ) ಅಧ್ಯಕ್ಷ ಬಿ.ಆರ್‌.ನಾಯ್ಡು ಕಟುವಾಗಿ ಹೇಳಿದ್ದಾರೆ. ಈ ಮೂಲಕ ಎಐಎಂಐಎಂ ಮುಖ್ಯಸ್ಥ ಅಸಾದುದ್ದೀನ್‌ ಒವೈಸಿಗೆ ತಿರುಗೇಟು ನೀಡಿದ್ದಾರೆ. ಮುಸ್ಲಿಮರು ಟಿಟಿಡಿ ಟ್ರಸ್ಟಿಗಳಾಗಲು ಆಗದಿದ್ದರೆ, ಮುಸ್ಲಿಮೇತರರು ವಕ್ಫ್ ಮಂಡಳಿಯಲ್ಲಿ ಇರಲು ಹೇಗೆ ಸಾಧ್ಯ ಎಂದು ಒವೈಸಿ ಕಳೆದ ವಾರ ಪ್ರಶ್ನಿಸಿದ್ದರು. ಇದಕ್ಕೆ ಈಗ ನಾಯ್ಡು ತಿರುಗೇಟು ನೀಡಿದ್ದಾರೆ.