ಮೇಘಾಲಯ ಚುನಾವಣೆ: ಎಲ್ಲ 4,400 ವಿವಿಪ್ಯಾಟ್‌ಗಳ ಆಗಮನ

ಶಿಲ್ಲಾಂಗ್‌ : ಇದೇ ಫೆಬ್ರವರಿ 27ರಂದು ನಡೆಯುವ ಮೇಘಾಲಯ ವಿಧಾನಸಭಾ ಚುನಾವಣೆಗೆ ಅಗತ್ಯವಿರುವ ಎಲ್ಲ  4,400 ವಿವಿಪ್ಯಾಟ್‌ (ವೋಟರ್‌ ವೆರಿಫ‌ಯೇಬಲ್‌ ಪೇಪರ್‌ ಆಡಿಟ್‌ ಟ್ರೇಲ್‌) ಯಂತ್ರಗಳು ಬಂದಿರುವುದಾಗಿ ಮುಖ್ಯ ಚುನಾವಣಾ ಅಧಿಕಾರಿ  ಎಫ್ ಆರ್‌ ಖಾರ್‌ಖೋನ್‌ಗರ್‌ ತಿಳಿಸಿದ್ದಾರೆ.

ಈ ವಿವಿಪ್ಯಾಟ್‌ ಯಂತ್ರಗಳು ಎರಡು ಕಂತುಗಳಲ್ಲಿ ಬಂದಿದ್ದವು; ಮೊದಲ ಕಂತಿನಲ್ಲಿ  2,400 ಮತ್ತು ಎರಡನೇ ಕಂತಿನಲ್ಲಿ 2000 ಯಂತ್ರಗಳು ಬಂದವು ; ಇವುಗಳು ಇಲ್ಲಿಗೆ ಬರುವ ಮೊದಲೇ ಕೂಲಂಕಷ ಪರೀಕ್ಷೆಗೆ ಒಳಪಟ್ಟಿವೆ ಮತ್ತು ಅವು ಚುನಾವಣೆಗೆ ಸಿದ್ಧವಾಗಿವೆ ಎಂದವರು ತಿಳಿಸಿದರು.