900 ವರ್ಷ ಬಳಿಕ ಜ್ವಾಲಾ ಸ್ಫೋಟ

ರೆಯ್ಕ್ ಜೆವಿಕ್‌(ಐಸ್‌ಲ್ಯಾಂಡ್‌): ಸರಿ ಸುಮಾರು 900 ವರ್ಷಗಳ ಅನಂತರ ಐಸ್‌ಲ್ಯಾಂಡ್‌ ರಾಜಧಾನಿ ರೆಯ್ಕಜೆವಿಕ್‌ ಸನಿಹದಲ್ಲಿರುವ ಜ್ವಾಲಾಮುಖೀ  ಸ್ಫೋಟಿಸಿದೆ. ಆದರೆ ಯಾವುದೇ ಅಪಾಯ ಸಂಭವಿಸಿಲ್ಲ.

ರೆಯ್ಕಜೇನ್ಸ್‌ ದ್ವೀಪದಲ್ಲಿರುವ ಜೆಲ್ಡಿಂಗಡಲುರ್‌ ಕಣಿವೆಯಲ್ಲಿ ಶುಕ್ರವಾರ ಕೆಂಪು ಶಿಲಾರಸ ಉಕ್ಕಿ ಹರಿದಿದೆ. ಆದರೆ ಮಳೆ ಬಂದ ಕಾರಣ ಶನಿವಾರದ ಹೊತ್ತಿಗೆ  ಶಿಲಾರಸದ ಹರಿವಿನ ಪ್ರಮಾಣ ತಗ್ಗಿದೆ. ರಸ ಹಬೆಯಾಗಿ ಬದಲಾಗಿ ಆಗಸದಲ್ಲಿ ನೀಲಿ ಮೋಡ ಕಟ್ಟಿಕೊಂಡಂತಾಗಿದ್ದನ್ನು ಅಲ್ಲಿಂದ 40 ಕಿ.ಮೀ. ದೂರದಲ್ಲಿರುವ ಪ್ರಸಿದ್ಧ ಪ್ರವಾಸೀ ಕ್ಷೇತ್ರವೊಂದರ ಜನರು ನೋಡಿದ್ದಾರೆ. ಶುಕ್ರವಾರ ಜೆಲ್ಡಿಂಗಡಲುರ್‌ ಕಣಿವೆಯಲ್ಲಿ ಶಿಲಾರಸ ಅಲ್ಲಿನ ಪರ್ವತವನ್ನು ಭೇದಿಸಿಕೊಂಡು ಮೇಲೆ ನುಗ್ಗಿದೆ.