Vodafone: ಮುಂದಿನ 3 ವರ್ಷಗಳ ಅವಧಿಯಲ್ಲಿ11 ಸಾವಿರ ಉದ್ಯೋಗಿಗಳ ವಜಾ

ನವದೆಹಲಿ: ದೂರಸಂಪರ್ಕ ಕಂಪನಿ ವೊಡಾಫೋನ್‌ ಮುಂದಿನ ಮೂರು ವರ್ಷಗಳ ಅವಧಿಯಲ್ಲಿ 11 ಸಾವಿರ ಮಂದಿಯನ್ನು ಕೆಲಸದಿಂದ ತೆಗೆದುಹಾಕುವ ಘೋಷಣೆ ಮಾಡಿದೆ.

ಈ ಬಗ್ಗೆ ಸಂಸ್ಥೆಯ ಹೊಸ ಸಿಇಒ ಸಿಇಒ ಮಾರ್ಗರೆಟಾ ಡಲ್ಲಾವೆಲ್ಲ ತಿಳಿಸಿದ್ದಾರೆ. ನಮ್ಮ ಕಂಪನಿಯ ಸಾಧನೆ ತೃಪ್ತಿಕರವಾಗಿಲ್ಲದ್ದರಿಂದ ಈ ನಿರ್ಧಾರಕ್ಕೆ ಬರಲಾಗಿದೆ ಎಂದಿದ್ದಾರೆ.

ಇತ್ತೀಚೆಗಷ್ಟೇ ವೋಡಾಫೋನ್‌ ಸಂಸ್ಥೆಯ ಷೇರು ಮೌಲ್ಯ ಇಳಿಕೆಯಾಗಿದ್ದು, 2 ದಶಕಗಳಲ್ಲೇ ಕಂಡಂಥ ಅತಿದೊಡ್ಡ ಪತನ ಇದಾಗಿತ್ತು. ಇನ್ನೊಂದೆಡೆ ಅಮೆಜಾನ್‌ ತನ್ನ 9 ಸಾವಿರ ಉದ್ಯೋಗಿಗಳನ್ನು ವಜಾಗೊಳಿಸುವುದಾಗಿ ಘೋಷಿಸತ್ತು. ಈಗ ಅದರ ಭಾಗವಾಗಿ ಭಾರತದಲ್ಲಿ 500 ಮಂದಿಯನ್ನು ಕೆಲಸದಿಂದ ತೆಗೆದುಹಾಕಿದೆ.