Advertisement

ಉದ್ಯಮ ಮಿತ್ರ ಸರ್ಕಾರ: ವಿವಾದ್ ಸೇ ವಿಶ್ವಾಸ್- 2 ಯೋಜನೆ

08:45 PM Feb 01, 2023 | Team Udayavani |

ಉದ್ಯಮ ಸ್ನೇಹಿ ನಿರ್ಣಯಗಳ ಮೂಲಕ ವ್ಯಾಪಾರ-ವಹಿವಾಟು ಸುಲಭಗೊಳಿಸಲು ಹಲವು ಕ್ರಮ ಕೈಗೊಂಡಿರುವ ಮೋದಿ ಸರ್ಕಾರ, ಉದ್ಯಮಿಗಳಿಗೆ ಪೂರಕವಾಗುವಂತೆ ವಿವಾದ್‌ ಸೇ ವಿಶ್ವಾಸ್‌-2, ಒನ್‌ ಸ್ಟಾಪ್‌ ಸಲ್ಯೂಷನ್‌, ಇ-ಕೋರ್ಟ್‌ಗಳ ಸ್ಥಾಪನೆ ಸೇರಿದಂತೆ ವಿವಿಧ ಪರಿಹಾರಗಳನ್ನು ಘೋಷಿಸಿದೆ.

Advertisement

ಸರ್ಕಾರ ಮತ್ತು ಸರ್ಕಾರಿ ಸಂಸ್ಥೆಗಳ ಜತೆಗಿನ ಒಪ್ಪಂದಗಳಿಗೆ ಸಂಬಂಧಿಸಿದ ವಿವಾದಗಳನ್ನು ಪರಿಹರಿಸಲು ವಿವಾದ್‌ ಸೇ ವಿಶ್ವಾಸ್‌-2 ಅನ್ವಯ ಪರಿಹಾರ ಯೋಜನೆ ಘೋಷಿಸುವುದಾಗಿ ತಿಳಿಸಿದೆ.

ಅಲ್ಲದೇ, ವಿವಿಧ ಸರ್ಕಾರಿ ಸಂಸ್ಥೆಗಳಿಗೆ ವ್ಯಕ್ತಿಯ ಒಂದೇ ಮಾಹಿತಿಯನ್ನು ಪ್ರತ್ಯೇಕವಾಗಿ ಒದಗಿಸುವುದನ್ನು ತಡೆಗಟ್ಟಲು ಪರಿಹಾರಕ್ರಮವಾಗಿ ಒನ್‌ಸ್ಟಾಪ್‌- ಒನ್‌ಸಲ್ಯೂಷನ್‌ ಯೋಜನೆ ಪರಿಚಯಿಸಲು ನಿರ್ಣಯಿಸಿದೆ.

ಜತೆಗೆ ವಿವಾದಗಳ ಪರಿಹಾರಕ್ಕಾಗಿ 7 ಸಾವಿರ ಕೋಟಿ ರೂ.ವೆಚ್ಚದಲ್ಲಿ ಇ- ಕೋರ್ಟ್‌ಗಳನ್ನು ಸ್ಥಾಪಿಸುವುದಾಗಿ ತಿಳಿಸಿದೆ. ಉದ್ಯಮ ಸ್ಥಾಪನೆಗೆ ಅಗತ್ಯವಿರುವ ಸರ್ಕಾರದ ಎಲ್ಲಾ ಡಿಜಿಟಲ್‌ ಸೇವೆಗಳನ್ನು ಪ್ಯಾನ್‌ಕಾರ್ಡ್‌ಗಳನ್ನು ಆಧಾರವಾಗಿಟ್ಟುಕೊಂಡೇ ಬಳಸಿಕೊಳ್ಳಲು ಅನುವು ಮಾಡಿಕೊಡುವುದಾಗಿ ತಿಳಿಸಿದೆ.

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next