ಕಲಬುರಗಿ ಸುಲಫಲ ಮಠಕ್ಕೆಸಿದ್ಧೇಶ್ವರ ಸ್ವಾಮೀಜಿ ಭೇಟಿ

ಕಲಬುರಗಿ: ಸಾರಂಗಮಠದ ಜಗದ್ಗುರು ಡಾ| ಸಾರಂಗಧರ ದೇಶಿಕೇಂದ್ರ ಮಹಾಸ್ವಾಮಿಗಳ 50ನೇ ಜನ್ಮ ಸುವರ್ಣ ಮಹೋತ್ಸವದ ನಿಮಿತ್ತ ರವಿವಾರ ನಗರದ ಶಹಾಬಜಾರದ ಸುಲಫಲ ಮಠಕ್ಕೆ ವಿಜಯಪುರದ ಜ್ಞಾನಯೋಗಾಶ್ರಮದ ಪೂಜ್ಯ ಸಿದ್ಧೇಶ್ವರ ಸ್ವಾಮೀಜಿ ಭೇಟಿ ನೀಡಿ ಸಾರಂಗಶ್ರೀಗಳಿಗೆ ಶುಭ ಹಾರೈಸಿದರು. 

ಬಸವ ತತ್ವವನ್ನು ತಮ್ಮ ಬದುಕಿನ ಉಸಿರಾಗಿಸಿಕೊಂಡು ತತ್ವದ ಪ್ರಸಾರ ಮತ್ತು ಆಚರಣೆಗಾಗಿ ಹಗಲಿರುಳು
ಶ್ರಮಿಸುತ್ತಿರುವುದಕ್ಕೆ ಸಿದ್ದೇಶ್ವರ ಶ್ರೀಗಳು ಮೆಚ್ಚುಗೆ ವ್ಯಕ್ತಪಡಿಸಿದರು.

ಸುಲಫಲ ಮಠದ ಪೀಠಾಧಿಪತಿ ಡಾ| ಸಾರಂಗಧರ ದೇಶಿಕೇಂದ್ರ ಮಹಾಸ್ವಾಮಿಗಳು, ಚವದಾಪುರಿ ಹಿರೇಮಠದ ಪೂಜ್ಯ ರಾಜಶೇಖರ ಶಿವಾಚಾರ್ಯರು, ಮುಗುಳಿ ಶ್ರೀಗಳು, ಪ್ರಮುಖರಾದ ಜಂಬನಗೌಡ ಶೀಲವಂತ, ಕಲ್ಯಾಣಪ್ಪ ಪಾಟೀಲ ಮಳಖೇಡ, ಮಲ್ಲಿಕಾರ್ಜುನ ಗರೂರ, ಸುರೇಶ ಪಾಟೀಲ ಜೋಗೂರ, ಈರಣ್ಣ ಗೋಳೆದ, ಅಂಬಾರಾವ ಡಿಗ್ಗಿ, ಬಿ.ಎಂ. ಪಾಟೀಲ ಕಲ್ಲೂರ, ವಿಜಯಕುಮಾರ ತೇಗಲತಿಪ್ಪಿ, ಕಮಾಂಡೆಂಟ್‌ ಸಂತೋಷ ಪಾಟೀಲ ಸರಡಗಿ, ಮಲ್ಲಿಕಾರ್ಜುನ ಖೇಮಜಿ ಇದ್ದರು.