ನವೆದಹಲಿ: ಮಹಿಳಾ ಏಕದಿನ ವಿಶ್ವಕಪ್‌ನಲ್ಲಿ ಭಾರತ ತಂಡವನ್ನು ಸೋಲಿಸಿ ಇಂಗ್ಲೆಂಡ್‌ ಚಾಂಪಿಯನ್‌ ಆಗಿದೆ. ಇದರಿಂದ ಭಾರತ ತಂಡದ ಮಾಜಿ ಆಟಗಾರ ವೀರೇಂದ್ರ ಸೆಹವಾಗ್‌ ಮತ್ತು ಬ್ರಿಟಿಷ್‌ ಪತ್ರಕತ್ರ ಪಯರ್ಸ್‌ ಮಾರ್ಗನ್‌
ನಡುವಿನ ಟ್ವೀಟರ್‌ ವಾರ್‌ ಮತ್ತೆ ಆರಂಭವಾಗಿದೆ.
“2017ರ ವಿಶ್ವಕಪ್ ಫೈನಲ್‌ ಬಗ್ಗೆ ಸೆಹವಾಗ್‌ ಏನು ಹೇಳುತ್ತೀರಿ’ ಎಂದು ಮಾರ್ಗನ್‌ ಟ್ವೀಟರ್‌ನಲ್ಲಿ ಸೆಹವಾಗ್‌ಗೆ ಪ್ರಶ್ನಿಸಿದ್ದಾರೆ. ಇದಕ್ಕೆ ಪ್ರತಿಕ್ರಿಯಿಸಿದ ಸೆಹವಾಗ್‌ “ನಮ್ಮ ತಂಡ ಅತ್ಯುತ್ತಮವಾಗಿ ಹೋರಾಟ ಮಾಡಿರುವುದಕ್ಕೆ ನಾನು ಮತ್ತು ನನ್ನ ದೇಶ ಹೆಮ್ಮೆಪಡುತ್ತಿದೆ’ ಎಂದು ಪ್ರತಿಕ್ರಿಯೆ ನೀಡಿದ್ದಾರೆ.
ಇಬ್ಬರ ನಡುವಿನ ಟ್ವೀಟರ್‌ ವಾರ್‌ 2016ರ ರಿಯೋ ಒಲಿಂಪಿಕ್ಸ್‌ನಿಂದ ಆರಂಭವಾಗಿದೆ. ಪಿ.ವಿ.ಸಿಂಧು ಬೆಳ್ಳಿ ಗೆದ್ದಿದ್ದಕ್ಕೆ ಇಡೀ ದೇಶಾದ್ಯಂತ ಸಂಭ್ರಮ ನಡೆದಿತ್ತು. ಆಗ ಒಂದು ಬೆಳ್ಳಿಗೆ ಅಷ್ಟೊಂದು ಸಂಭ್ರಮವೇ ಎಂದು ಮಾರ್ಗನ್‌ ಟ್ವೀಟ್‌ ಮಾಡಿದ್ದರು. ಇದಕ್ಕೆ ಪ್ರತಿಕ್ರಿಯಿಸಿದ ಸೆಹವಾಗ್‌”ಕ್ರಿಕೆಟ್‌ ಜನಕರಾದ ನೀವು ಪುರುಷರ ವಿಭಾಗದಲ್ಲಿ ಒಂದೇ ಒಂದು ವಿಶ್ವಕಪ್ ಗೆದ್ಲಿಲ್ಲ ಎನ್ನುವುದನ್ನು ನೆನಪಡಿ’ ಎಂದು ತಿರುಗೇಟು ನೀಡಿದ್ದರು.
