ಕೊಹ್ಲಿ ಕಾರು ಮಾರಟಕ್ಕಿದೆ!

ಕೊಚ್ಚಿ: ಭಾರತ ಕ್ರಿಕೆಟ್‌ ತಂಡದ ನಾಯಕ ವಿರಾಟ್‌ ಕೊಹ್ಲಿ ಅವರ ಸಂಗ್ರಹದಲ್ಲಿದ್ದ ಐಷಾರಾಮಿ ಲ್ಯಾಂಬೊರ್ಗಿನಿ ಕಾರು ಮಾರಾಟಕ್ಕಿದೆ! ಕೊಚ್ಚಿಯ ಸೆಕೆಂಡ್‌ ಹ್ಯಾಂಡ್‌ ಲಕ್ಷುರಿ ಕಾರು ಮಾರಾಟ ಮಳಿಗೆಯಲ್ಲಿ ಈ ಕಾರನ್ನು ಇಡಲಾಗಿದೆ.

ಆಸಕ್ತರು ಇಲ್ಲಿಂದ ಕಾರನ್ನು ಖರೀದಿಸಬಹುದು. ಕಾರಿಗೆ 1.35 ಕೋಟಿ ರೂ. ಬೆಲೆ ನಿಗದಿಪಡಿಸಲಾಗಿದೆ ಎಂದು ಮಳಿಗೆಯ ವ್ಯವಸ್ಥಾಪಕರು ತಿಳಿಸಿದ್ದಾರೆ. ಈ ಕಾರನ್ನು ವಿರಾಟ್‌ ಕೊಹ್ಲಿ 2015ರಲ್ಲಿ ಖರೀದಿಸಿದ್ದರು. ಇದು ಪುದುಚೆರಿಯ ನೋಂದಣಿ ಹೊಂದಿದೆ. ಈ ಕಾರನ್ನು ಕೋಲ್ಕತ ಕಾರು ಸಂಗ್ರಹಾಗಾರದಿಂದ ಕೊಚ್ಚಿ ಸೆಕೆಂಡ್‌ಹ್ಯಾಂಡ್‌ ಕಾರು ಮಾರಾಟ ಸಂಸ್ಥೆ ಇತ್ತೀಚಿಗಷ್ಟೆ ಖರೀದಿಸಿತ್ತು.