ಮೇಡಮ್‌ ಟುಸ್ಸಾಡ್ಸ್‌ನಲ್ಲಿ ಕೊಹ್ಲಿ ಮೇಣದ ಪ್ರತಿಮೆ

ಹೊಸದಿಲ್ಲಿ: ಇಲ್ಲಿನ  ಮೇಡಮ್‌ ಟುಸ್ಸಾಡ್ಸ್‌ ಸಂಗ್ರಹಾಲಯದಲ್ಲಿ ಭಾರತ ಕ್ರಿಕೆಟ್‌ ತಂಡದ ನಾಯಕ ವಿರಾಟ್‌ ಕೊಹ್ಲಿಯವರ ಮೇಣದ ಪ್ರತಿಮೆ ಸ್ಥಾಪಿಸಲಾಗುತ್ತಿದೆ. ಈ ಮೂಲಕ ಕಪಿಲ್‌ದೇವ್‌, ಲಯೊನೆಲ್‌ ಮೆಸ್ಸಿ, ಕ್ರಿಸ್ಟಿಯಾನೊ ರೊನಾಲ್ಡೊ, ಸಚಿನ್‌ ತೆಂಡುಲ್ಕರ್‌ ಸಾಲಿಗೆ ಕೊಹ್ಲಿ ಕೂಡ ಸೇರಲಿದ್ದಾರೆ.
 
ಅದ್ಭುತ ಸಾಧನೆ ಮಾಡಿದ ಕ್ರೀಡಾಪಟುಗಳು, ಹಾಲಿವುಡ್‌ ಮತ್ತು ಬಾಲಿವುಡ್‌ ತಾರೆಯರ ಪ್ರತಿಮೆಗೆ ಮಾತ್ರ ಇಲ್ಲಿ ಅವಕಾಶ ಇರುತ್ತದೆ. ಅಭಿಮಾನಿಗಳು ಭೇಟಿ ನೀಡಿದಾಗ ತಮ್ಮ ನೆಚ್ಚಿನ ತಾರೆಯ ಮೇಣದ ಪ್ರತಿಭೆ ಮುಂದೆ ನಿಂತು ಸೆಲ್ಫಿ ತೆಗೆದುಕೊಳ್ಳಲು, ಫೋಟೋ ತೆಗೆದುಕೊಳ್ಳಲು ಅವಕಾಶ ಇರುತ್ತದೆ. ಈ ಬಗ್ಗೆ ಪ್ರಕ್ರಿಯಿಸಿದ ಕೊಹ್ಲಿ, ಮೇಡಮ್‌ ಟುಸ್ಸಾಡ್ಸ್‌ ನಲ್ಲಿ ಮೇಣದ ಪ್ರತಿಮೆ ಸ್ಥಾಪನೆಯಾಗುವುದು ನನ್ನ ಪಾಲಿಗೆ ದೊಡ್ಡ ಗೌರವವಾಗಿದೆ. ಇಂಥ ಸ್ಮರಣಿಯ ಕೊಡುಗೆ ನೀಡಲು ಮುಂದಾಗಿರುವ ಅವರಿಗೆ ಧನ್ಯವಾದಗಳು ಎಂದಿದ್ದಾರೆ.