Advertisement
ಇಂಗ್ಲೆಂಡಿಗೆ 521 ರನ್‌ ಗುರಿ ನೀಡಿದೆ.ಭಾರತ 2 ವಿಕೆಟ್‌ ನಷ್ಟಕ್ಕೆ 124 ರನ್‌ ಮಾಡಿದಲ್ಲಿಂದ ಸೋಮವಾರದ ಆಟ ಆರಂಭಿಸಿತ್ತು. ಡಿಕ್ಲೇರ್‌ ಮಾಡುವಾಗ ಹಾರ್ದಿಕ್‌ ಪಾಂಡ್ಯ 52 ರನ್‌ ಸಿಡಿಸಿ ಅಜೇಯರಾಗಿದ್ದರು. ಪಂದ್ಯವಿನ್ನೂ 2 ದಿನ ಕಾಣಲಿಕ್ಕಿರುವುದರಿಂದ ಭಾರತದ ಮುಂದೆ ಗೆಲುವಿನ ಉತ್ತಮ ಅವಕಾಶವೊಂದು ಎದುರಾಗಿದೆ ಎನ್ನಲಡ್ಡಿಯಿಲ್ಲ.
ಮೊದಲ ಇನ್ನಿಂಗ್ಸ್‌ನಲ್ಲಿ 97 ರನ್‌ ಮಾಡಿ ಔಟಾಗಿದ್ದ ವಿರಾಟ್‌ ಕೊಹ್ಲಿ ಈ ಬಾರಿ ಸೆಂಚುರಿಯನ್ನು ಮಿಸ್‌ ಮಾಡಿಕೊಳ್ಳಲಿಲ್ಲ. 191 ಎಸೆತಗಳಲ್ಲಿ 23ನೇ ಟೆಸ್ಟ್‌ ಶತಕದ ಸಂಭ್ರಮ ಆಚರಿಸಿದರು. ಇದು ಈ ಸರಣಿಯಲ್ಲಿ ಕೊಹ್ಲಿ ಹೊಡೆದ 2ನೇ ಶತಕ. 197 ಎಸೆತಗಳ ಈ ಮನಮೋಹಕ ಇನ್ನಿಂಗ್ಸ್‌ ವೇಳೆ 10 ಬೌಂಡರಿ ಸಿಡಿಯಲ್ಪಟ್ಟಿತು. ಈ ಸಾಧನೆಯ ವೇಳೆ ಕೊಹ್ಲಿ 400 ರನ್ನುಗಳ ಗಡಿಯನ್ನೂ ದಾಟಿದರು. ಇಂಗ್ಲೆಂಡ್‌ನ‌ಲ್ಲಿ ನಡೆದ ಸರಣಿಯೊಂದರಲ್ಲಿ 400 ರನ್‌ ಪೇರಿಸಿದ ಭಾರತದ ದ್ವಿತೀಯ ನಾಯಕ ಹಾಗೂ ಭಾರತದ 6ನೇ ಬ್ಯಾಟ್ಸ್‌ಮನ್‌ ಎಂಬ ಹಿರಿಮೆ ಕೊಹ್ಲಿ ಅವರದ್ದಾಗಿದೆ. ಇದಕ್ಕೂ ಮುನ್ನ ಮೊಹಮ್ಮದ್‌ ಅಜರುದ್ದೀನ್‌ 426 ರನ್‌ ಪೇರಿಸಿದ್ದರು.
ಚೇತೇಶ್ವರ್‌ ಪೂಜಾರ 208 ಎಸೆತ ಎದುರಿಸಿ 72 ರನ್‌ ಮಾಡಿದರು. ಇದರಲ್ಲಿ 9 ಬೌಂಡರಿ ಸೇರಿತ್ತು. ಇದು ಅವರ 18ನೇ ಅರ್ಧ ಶತಕ. ಮೊದಲ ಅವಧಿಯಲ್ಲಿ ಪೂಜಾರ-ಕೊಹ್ಲಿ ಜೋಡಿಯೇ ಕ್ರೀಸ್‌ ಆಕ್ರಮಿಸಿಕೊಂಡಿತು. ಇಂಗ್ಲೆಂಡಿಗೆ ಯಾವುದೇ ಯಶಸ್ಸು ಸಿಗಲಿಲ್ಲ. ಭೋಜನ ವಿರಾಮದ ವೇಳೆ ಭಾರತ 2 ವಿಕೆಟಿಗೆ 194 ರನ್‌ ಗಳಿಸಿತ್ತು.
Related Articles
Advertisement