ಪಕ್ಷದ ಕಾರ್ಯಕರ್ತರ ವಿರುದ್ಧವೇ ಶಾಸಕರು ಗರಂ: ವೀಡಿಯೋ ವೈರಲ್‌

ಕುಂದಾಪುರ: ಮುದೂರಿನಲ್ಲಿ ಪ್ರಸ್ತಾವಿತ ಬಾರ್‌ ವಿಚಾರಕ್ಕೆ ಸಂಬಂಧಿಸಿ ತಲೆದೋರಿದ ಸಮಸ್ಯೆಯನ್ನು ರಾಜಿ ಮೂಲಕ ಇತ್ಯರ್ಥಪಡಿಸುವುದಾಗಿ ಕರೆದು, ತನ್ನ ಪಕ್ಷದ ಕಾರ್ಯಕರ್ತರ ವಿರುದ್ಧವೇ ಬೈಂದೂರು ಶಾಸಕ ಬಿ.ಎಂ. ಸುಕುಮಾರ ಶೆಟ್ಟಿ ಗರಂ ಆದರು ಎನ್ನಲಾಗಿದ್ದು, ಆ ಕುರಿತ ವೀಡಿಯೋವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್‌ ಆಗುತ್ತಿದೆ.

ಈ ಬಗ್ಗೆ ಉದಯವಾಣಿಗೆ ಪ್ರತಿಕ್ರಿಯಿಸಿದ ಶಾಸಕರು, ನಾನು ಯಾರ ಮೇಲೂ ಹಲ್ಲೆ ಮಾಡಿಲ್ಲ; ರೇಗಾಡಿದ್ದೂ ಇಲ್ಲ. ನಮಗೆ ಆಗದವರಾರೋ ಸುಮ್ಮನೆ ಸುದ್ದಿ ಹಬ್ಬಿಸುತ್ತಿದ್ದಾರೆ. ಯಾರ ವಿರುದ್ಧವೂ ಕೇಸು ದಾಖಲಿಸುವಂತೆ ಎಸ್ಪಿಯವರಿಗೆ ಹೇಳಿಲ್ಲ.ಇದೆಲ್ಲ ಆಧಾರರಹಿತವಾದುದು ಎಂದಿದ್ದಾರೆ.