ವೈರಲ್‌ ವೀಡಿಯೋ: ಮಾಹೆ ವಿವಿ ಸ್ಪಷ್ಟನೆ

ಉಡುಪಿ: ಶಿಕ್ಷಣ ಸಂಸ್ಥೆಯೊಂದರ ಸೆಕ್ಯೂರಿಟಿ ಗಾರ್ಡ್‌ಗಳು ವಿದ್ಯಾರ್ಥಿಗಳನ್ನು ಪರೀಕ್ಷಿಸುವ ವೇಳೆ ಬೃಹತ್‌ ಗಾತ್ರದ ಬ್ಯಾಗ್‌ನಲ್ಲಿ ವಿದ್ಯಾರ್ಥಿಯೊಬ್ಬ ವಿದ್ಯಾರ್ಥಿನಿಯನ್ನು ಇರಿಸಿಕೊಂಡು ಹೋಗಲು ಯತ್ನಿಸಿದ್ದು, ಈ ವೀಡಿಯೋ ಮಣಿಪಾಲದ ಸಂಸ್ಥೆಗೆ ಸೇರಿದ್ದು ಎಂದು ಗುರುವಾರ ಸಾಮಾಜಿಕ ಜಾಲತಾಣಗಳಲ್ಲಿ ವೀಡಿಯೋ ತುಣುಕೊಂದು ವೈರಲ್‌ ಆಗಿತ್ತು.

ಈ ಬಗ್ಗೆ ಸ್ಪಷ್ಟನೆ ನೀಡಿರುವ ಮಾಹೆಯ ಮಾಧ್ಯಮ ಮತ್ತು ಸಾಮಾಜಿಕ ಜಾಲತಾಣದ ನಿರ್ದೇಶಕ ಎಸ್‌ಪಿ ಕಾರ್‌ ಅವರು, ವೈರಲ್‌ ಆಗಿರುವ ಈ ವೀಡಿಯೋ ತುಣುಕು ಮಣಿಪಾಲ ಸಂಸ್ಥೆಗೆ ಸೇರಿದ್ದಲ್ಲ. 2019ರಿಂದಲೂ ಈ ವೀಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ ಎಂದು ಅವರು ತಿಳಿಸಿದ್ದಾರೆ.