ಕಚ್ಚಾ ಬಾದಮ್‌ ನಂತರ ಜಿಂಗಲ್‌ ವಿಡಿಯೋ ವೈರಲ್‌

ಇತ್ತೀಚೆಗೆ ಕಡಲೆ ಮಾರಾಟ ಮಾಡುತ್ತಾ ವ್ಯಾಪಾರಿಯೊಬ್ಬ ಹಾಡುತ್ತಿದ್ದ ಕಚ್ಚಾ ಬಾದಾಮ್‌ ಹಾಡು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್‌ ಆಗಿರುವುದು ಎಲ್ಲರಿಗೂ ತಿಳಿದೇ ಇದೆ. ಅದೇ ರೀತಿ ಈಗ ದ್ರಾಕ್ಷಿ ಮಾರಾಟ ಮಾಡುವ ಅಜ್ಜ ಒಬ್ಬರು ವೈರಲ್‌ ಆಗಿದ್ದಾರೆ.

ಎದುರಿಗೆ ದ್ರಾಕ್ಷಿ ಮತ್ತು ತಕ್ಕಡಿ ಇಟ್ಟುಕೊಂಡು ತಮ್ಮದೇ ರೀತಿಯಲ್ಲಿ ಜಿಂಗಲ್‌ ಹಾಡು ಹೇಳುತ್ತಿರುವ ಅಜ್ಜನ ವಿಡಿಯೋವನ್ನು ಸಾಲಿಮಿನಾಯತ್‌ ಹೆಸರಿನ ಇನ್‌ಸ್ಟಾಗ್ರಾಂ ಖಾತೆಯಲ್ಲಿ ಹಂಚಿಕೊಳ್ಳಲಾಗಿದೆ. ಆ ವಿಡಿಯೋ ಸಾಮಾಜಿಕ ಜಾಲತಾಣದ ತುಂಬೆಲ್ಲ ಹರಿದಾಡಿದೆ. ಲಕ್ಷಾಂತರ ಮಂದಿ ವಿಡಿಯೋವನ್ನು ಲೈಕ್‌ ಮಾಡಿದ್ದಾರೆ.

“ಕಚ್ಚಾ ಬಾದಾಮ್‌ ಆಯ್ತು ಈಗ ಜಿಂಗಲ್‌’ ಎಂದು ಜನರು ವಿಡಿಯೋವನ್ನು ಹಂಚಿಕೊಳ್ಳುತ್ತಿದ್ದಾರೆ.