Dhanush; ತಿರುಪತಿಗೆ ಭೇಟಿ ನೀಡಿ ಕೇಶ ಮುಂಡನ ಮಾಡಿಸಿಕೊಂಡ ನಟ ಧನುಷ್:‌ ಫೋಟೋಸ್‌ ವೈರಲ್

ಆಂಧ್ರ ಪ್ರದೇಶ:‌ ಕಾಲಿವುಡ್‌ ಸ್ಟಾರ್‌ ನಟ ಧನುಷ್ ತಮ್ಮ ಮಕ್ಕಳೊಂದಿಗೆ ತಿರುಪತಿ ದೇವಸ್ಥಾನಕ್ಕೆ ಭೇಟಿ ನೀಡಿ ಕೇಶ ಮುಂಡನ ಮಾಡಿಸಿಕೊಂಡಿರುವ ಫೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌ ಆಗಿದೆ.

ಅರುಣ್ ಮಾಥೇಶ್ವರನ್ ನಿರ್ದೇಶನದ ʼಕ್ಯಾಪ್ಟನ್‌ ಮಿಲ್ಲರ್‌ʼ ಸಿನಿಮಾದಲ್ಲಿ ನಟ ಧನುಷ್‌ ಕಾಣಿಸಿಕೊಳ್ಳಲಿದ್ದು, ಇತ್ತೀಚೆಗೆ ಈ ಸಿನಿಮಾದ ಫಸ್ಟ್‌ ಲುಕ್‌ ರಿಲೀಸ್‌ ಆಗಿ ವೈರಲ್‌ ಆಗಿದೆ. ಹೆಣಗಳ ಮಧ್ಯ ಗನ್‌ ವೊಂದನ್ನು ಹಿಡಿದು ಧನುಷ್‌ ಮಾಸ್‌ ಅವತಾರದಲ್ಲಿ ಕಾಣಿಸಿಕೊಂಡಿದ್ದಾರೆ. ಈ ಸಿನಿಮಾದಲ್ಲಿ ನಟ ಶಿವರಾಜ್‌ ಕುಮಾರ್‌ ಅವರು ಕೂಡ ನಟಿಸಿದ್ದಾರೆ.

ವಾತಿ ಸ್ಟಾರ್‌ ಧನುಷ್‌ ಸೋಮವಾರ (ಜು.3 ರಂದು) ತಿರುಪತಿ ದೇವಸ್ಥಾನಕ್ಕೆ ತನ್ನ ತಂದೆ – ತಾಯಿ, ಕಸ್ತೂರಿ ರಾಜಾ ಮತ್ತು ವಿಜಯಲಕ್ಷ್ಮಿ ಹಾಗೂ ಪುತ್ರರಾದ ಲಿಂಗ ಹಾಗೂ ಯಾತ್ರಾ ಅವರೊಂದಿಗೆ ಭೇಟಿ ನೀಡಿದ್ದಾರೆ. ಈ ವೇಳೆ ಧನುಷ್‌ ಹಾಗೂ ಅವರ ಮಕ್ಕಳು ಇಬ್ಬರು ಕೇಶ ಮುಂಡನ ಮಾಡಿಸಿಕೊಂಡಿದ್ದಾರೆ.

ಇದನ್ನೂ ಓದಿ: Gadar 2: ಸಿನಿಮಾ ರಿಲೀಸ್‌ಗೂ ಮುನ್ನ ನಿರ್ದೇಶಕರ ವಿರುದ್ದ ಗಂಭೀರ ಆರೋಪ ಮಾಡಿದ ನಟಿ ಅಮೀಶಾ

ಕೇಶ ಮುಂಡನ ಮಾಡಿ ಕ್ಯಾಪ್‌ ವೊಂದನ್ನು ಹಾಕಿಕೊಂಡು ನಟ ಧನುಷ್‌ ಹೊರಗೆ ಬಂದಿದ್ದಾರೆ. ಈ ವೇಳೆ ಕ್ಯಾಮೆರಾ ಕಣ್ಣಿಗೆ ಅವರ ನ್ಯೂಲುಕ್‌ ಸೆರೆಯಾಗಿದ್ದು, ಅದು ಈಗಾಗಲೇ ಸೋಶಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗಿದೆ.

ಧನುಷ್‌ ಮುಂದಿನ ಸಿನಿಮಾದಲ್ಲಿ ಹೊಸ ಅವತಾರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಆ ಸಿನಿಮಾಕ್ಕೆ ಡಿ50 ಎಂದು ತಾತ್ಕಾಲಿಕವಾಗಿ ಟೈಟಲ್‌ ಇಡಲಾಗಿದೆ. ಈ ಸಿನಿಮಾವನ್ನು ಸನ್‌ ಪಿಕ್ಚರ್ಸ್‌ ನಿರ್ಮಾಣ ಮಾಡಲಿದ್ದು, ಪಾತ್ರ ವರ್ಗದ ಬಗ್ಗೆ ಇನ್ನಷ್ಟೇ ಮಾಹಿತಿ ಹೊರ ಬೀಳಬೇಕಿದೆ ಎಂದು ವರದಿ ತಿಳಿಸಿದೆ.

ಅರುಣ್ ಮಾಥೇಶ್ವರನ್ ಅವರ ʼಕ್ಯಾಪ್ಟನ್ ಮಿಲ್ಲರ್ʼ ಚಿತ್ರೀಕರಣದ ಕೊನೆಯ ಹಂತದಲ್ಲಿದೆ. ಇತ್ತೀಚೆಗೆ, ಅವರು ತಮ್ಮ ಮುಂದಿನ ಹಿಂದಿ ಸಿನಿಮಾ ಆನಂದ್ ಎಲ್ ರೈ ಅವರ ʼತೇರೆ ಇಷ್ಕ್ ಮೇʼ ಘೋಷಿಸಿದ್ದಾರೆ.